ଯାଜପୁର: ଜିଲ୍ଲାର ଦଶରଥପୁର ବ୍ଲକ ଅକରାପଡା ଗାଁରେ ଧାନ ମଣ୍ଡି ଉଦଘାଟିତ ହୋଇଯାଇଛି । ସ୍ଥାନୀୟ ନାଗେଶ୍ବରୀ ମନ୍ଦିର ପରିସରରେ ଅନୁଷ୍ଠିତ ଏହି ଉଦଘାଟନୀ ଉତ୍ସବରେ ଜିଲ୍ଲା ମିଶନ ଶକ୍ତି ପ୍ରକଳ୍ପ ସଂଯୋଜିକା ସେଫାଳି ସ୍ବାଗତିକା ମୁଖ୍ୟ ଅତିଥି ଭାବେ ଯୋଗ ଦେଇଥିଲେ ।
ଅକରାପଡା ଗାଁରେ ଧାନ ସଂଗ୍ରହ କଲେ ଏସଏଚଜି ଗ୍ରୁପ
ଜିଲ୍ଲାର ପ୍ରଥମ ଥର ପାଇଁ ନାଗେଶ୍ବରୀ ମହିଳା ସ୍ବୟଂସହାୟକ ଗୋଷ୍ଠୀ ଏହି ଧାନ ସଂଗ୍ରହର ଦାୟିତ୍ବ ନେଇଛନ୍ତି । ପ୍ରଥମ ପର୍ଯ୍ୟାୟରେ ଏହି କେନ୍ଦ୍ରରୁ ୧ହଜାର କ୍ବିଣ୍ଟାଲ ଧାନ ସଂଗ୍ରହ ହେବାର ଲକ୍ଷ୍ୟ ରହିଥିବା ବେଳେ ଆଗକୁ ଏହା ବୃଦ୍ଧି ପାଇବ ବୋଲି ଜଣାପଡିଛି ।
ପ୍ରଥମ ଥର ପାଇଁ ଧାନସଂଗ୍ରହର ଦାୟିତ୍ବ ମହିଳା ସ୍ବୟଂ ସହାୟକ ମାନଙ୍କୁ ଦାୟିତ୍ବ ଦିଆଯାଇଥିବାରୁ ସେମାନେ ଖୁସି ବ୍ୟକ୍ତ କରିଛନ୍ତି ।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
