ଯାଜପୁର: ଜିଲ୍ଲା ପ୍ରଶାସନକୁ ବିଭିନ୍ନ ସ୍ବେଚ୍ଛାସେବୀ ସଂଗଠନ ପକ୍ଷରୁ Oxygen କନସେନଟ୍ରେଟର ପ୍ରଦାନ । ଆଜି ୧୫ଟି ଅକ୍ସିଜେନ କନସେନଟ୍ରେଟର ପ୍ରଦାନ କରିଛନ୍ତି ।
ଯାଜପୁର ଜିଲ୍ଲା ପ୍ରଶାସନକୁ ବିଭିନ୍ନ ସ୍ବେଚ୍ଛାସେବୀ ଅନୁଷ୍ଠାନ ପକ୍ଷରୁ ୧୫ଟି ଅକ୍ସିଜେନ କନସେନଟ୍ରେଟର ପ୍ରଦାନ କରାଯାଇଛି । ସ୍ବେଚ୍ଛାସେବୀ ଅନୁଷ୍ଠାନ କୋଭିଡ ଆକ୍ସନ କୋଲାବ, ଜୟ ଓଡିଶା ଏବଂ ଶକ୍ତି ଅନୁଷ୍ଠାନ ପକ୍ଷରୁ ଏହି କନସେନଟ୍ରେଟର ଦାନ କରାଯାଇଛି । ମୁଖ୍ୟମନ୍ତ୍ରୀଙ୍କ କୋଭିଡ ପରିଚାଳନାରେ ଅନୁପ୍ରାଣିତ ହୋଇ ଏହି ଅକ୍ସିଜେନ କନସେନଟ୍ରେଟର ପ୍ରଦାନ କରାଯାଇଛି ଯାହାର ଆନୁମାନିକ ମୂଲ୍ୟ ୧୦ଲକ୍ଷରୁ ଉର୍ଦ୍ଧ ହେବ । କୋରୋନା ରୋଗୀଙ୍କ ଚିକିତ୍ସା ପାଇଁ ଏହି ମେସିନ ବିଶେଷ ଭାବେ ସହାୟକ ହେବ ।
ଏହି ଅବସରରେ ଯାଜପୁର ଅତିରିକ୍ତ ଜିଲାପାଳ ଅକ୍ଷୟ କୁମାର ମଲ୍ଲିକ, ସିଡିଏମଓ ବିରଞ୍ଚ ନାରାୟଣ ବାରିକ, ପୂର୍ବତନ ପୌରପାଳ ତଥା ବିଧାୟକଙ୍କ ପ୍ରତିନିଧି ଭବପ୍ରସାଦ ଦାସ ପ୍ରମୁଖ ଉପସ୍ଥିତ ରହି ଅକ୍ସିଜେନ କନସେନଟ୍ରେଟରକୁ ଦାନ କରିଥିବାରୁ ସ୍ବେଚ୍ଛାସେବୀ ଅନୁଷ୍ଠାନକୁ ଧନ୍ୟବାଦ ଜଣାଇଛନ୍ତି ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
