ଯାଜପୁର: ଲୁଟେରାକୁ କାବୁ କଲେ ପୋଲିସ । ଧର୍ମଶାଳା ଥାନା ଅନ୍ତର୍ଗତ ଅଚ୍ୟୁତପୁର ଛକରେ ବନ୍ଧୁକ ଦେଖାଇ ଯାତ୍ରୀଙ୍କ ଠାରୁ ଲୁଟ ଉଦ୍ୟମ କରୁଥିବା ଜଣେ ଯୁବକକୁ ଧର୍ମଶାଳା ପୋଲିସ ଗିରଫ କରିବା ସହ ଏକ ଦେଶୀ ବନ୍ଧୁକ ଜବତ କରିଛି ।
ଏହି ଘଟଣାରେ ଅନ୍ୟ 2 ଅଭିଯୁକ୍ତ ଫେରାର ହୋଇଯାଇଥିବା ଜଣାପଡିଛି । ଗିରଫ ଅଭିଯୁକ୍ତ ସ୍ଥାନୀୟ ଅଚ୍ୟୁତପୁର ଗ୍ରାମର ଅନୀଲ ପ୍ରଧାନଙ୍କ ପୁଅ ବ୍ରିଜେଶ ପ୍ରଧାନ (୨୧) ବୋଲି ଜଣାପଡିଛି ।
ସୋମବାର ରାତି ପ୍ରାୟ 9.30 ସମୟରେ ପୋଲିସ ପାଟ୍ରୋଲିଂରେ ଯାଉଥିବା ବେଳେ ଅଚ୍ୟୁତପୁର ଛକରେ 3 ଜଣ ଯୁବକ ବନ୍ଧୁକ ଦେଖାଇ ଯାତ୍ରୀଙ୍କ ଠାରୁ ଲୁଟ ଉଦ୍ୟମ କରୁଥିବା ଦେଖିଥିଲେ । ପୋଲିସ ଜଣକୁ କାବୁ କରିଥିବା ବେଳେ ଅନ୍ୟ 2 ଜଣ ଘଟଣା ସ୍ଥଳରୁ ଚମ୍ପଟ ମାରିବାରେ ସଫଳ ହୋଇଥିଲେ । ପୋଲିସ ଏକ ମାମଲା ରୁଜୁ କରି ଅଭିଯୁକ୍ତକୁ ମଙ୍ଗଳବାର କୋର୍ଟ ଚାଲାଣ କରିଛି ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
