ଯାଜପୁର: ବ୍ୟାସନଗର ପୌର ପରିଷଦ କାର୍ଯ୍ୟାଳୟରେ ଯୋଗ ଦେଲେ ନୂତନ ଅଧ୍ୟକ୍ଷା ସଙ୍ଗୀତା ପିଙ୍ଗୁଆ । ବ୍ୟାସନଗର ପୌର ପରିଷଦର ବିଜେଡି ପ୍ରାର୍ଥିନୀ ସଙ୍ଗୀତା ପିଙ୍ଗୁଆ ୯ ହଜାରରୁ ଉର୍ଦ୍ଧ୍ବ ଭୋଟ ବ୍ୟବଧାନରେ ବିଜୟ ଲାଭ କରି ବ୍ୟାସନଗର ପୌର ପରିଷଦର ନୂତନ ଅଧକ୍ଷା ଭାବେ ନିର୍ବାଚିତ ହେଇଥିଲେ। ତେବେ ନିର୍ବାଚନ ଆୟୋଗଙ୍କ ନିର୍ଦ୍ଧେଶ କ୍ରମେ ବୁଧବାର ନୂତନ ଅଧ୍ୟକ୍ଷା ସଙ୍ଗୀତା ପିଙ୍ଗୁଆ କୋରେଇ ବିଧାୟକ ଅଶୋକ ବଳଙ୍କ ଉପସ୍ଥିତିରେ ନିଜର କାର୍ଯ୍ୟଭାର ଗ୍ରହଣ କରିଛନ୍ତି ।
ନୂତନ ଅଧ୍ୟକ୍ଷା ସଙ୍ଗୀତା ପିଙ୍ଗୁଆ ନିଜର କାର୍ଯ୍ୟଭାର ଗ୍ରହଣ କରିବା ପରେ ସହରର ଅନେକ ବିକାଶ ବାକି ରହିଛି । ଆଉ ଅଧିକ ବିକାଶ କିଭଳି ହେବ ରାଜ୍ୟ ସରକାର ଓ କୋରେଇ ବିଧାୟକ ଅଶୋକ ବଳଙ୍କ ସହିତ ଆଲୋଚନା କରି କାର୍ଯ୍ୟ କରିବେ ବୋଲି କହିଛନ୍ତି । ଏହି କାର୍ଯ୍ୟକ୍ରମରେ ବ୍ୟାସନଗର ପୌର ପରିଷଦର ପୂର୍ବତନ ଅଧ୍ୟକ୍ଷା ସବିତା ରାଉତ, ସରୋଜିନୀ ବଳ, ନୂତନ କାଉନସିଲର,ରାଜ୍ୟ ମହିଳା ବିଜେଡି ସମ୍ପାଦକ ଉଷାରାଣୀ ସାମଲ, ପୌର ପରିଷଦର ନିର୍ବାହୀ ଅଧିକାରୀ ଅଶୋକ କୁମାର ରାଉତଙ୍କ ସମେତ ପୌର ପରିଷଦର ସମସ୍ତ କର୍ମଚାରୀ ଉପସ୍ଥିତ ରହି ନୂତନ ଅଧ୍ୟକ୍ଷାଙ୍କୁ ସମ୍ବର୍ଦ୍ଧିତ କରିଥିଲେ ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
