ଯାଜପୁର: କୋରୋନାରେ ପୁଅର ମୃତ୍ୟୁ ଖବର ଶୁଣି ଆଖି ବୁଜିଲା ମାଆ । ଏଭଳି ଏକ ଦୁଃଖଦାୟକ ଘଟଣା ଘଟିଛି ଯାଜପୁର ଜିଲ୍ଲା ବ୍ୟାସନଗର ସହର ଧବଳଗିରି ଅଞ୍ଚଳରେ ।
ସୂଚନା ଅନୁଯାୟୀ ଚୈତନ୍ୟ ଆରୁଖ ନାମକ ଜଣେ ବ୍ୟକ୍ତି ପତ୍ନୀ ଶୈଳବାଳା ଆରୁଖ ଓ ପୁଅ ରତିରଞ୍ଜନ ଆରୁଖଙ୍କୁ ନେଇ ଧବଳଗିରି ଅଞ୍ଚଳରେ ରହୁଥିଲେ । ଚୈତନ୍ୟ ରଙ୍ଗ ବ୍ୟବସାୟ କରି ପରିବାର ପ୍ରତିପୋଷଣ କରୁଥିଲେ । ଗତ ୮ ଦିନ ତଳେ ବାପା, ମାଆ ଓ ପୁଅ କୋରୋନା ପଜେଟିଭ ଚିହ୍ନଟ ହୋଇଥିଲେ । ଚୈତନ୍ୟ ଏବଂ ରତିରଞ୍ଜନଙ୍କ ସ୍ବାସ୍ଥ୍ୟାବସ୍ଥା ଗୁରୁତର ଥିବାରୁ ସେମାନଙ୍କୁ ଟାଟା କୋଭିଡ ହସ୍ପିଟାଲରେ ଭର୍ତ୍ତି କରାଯାଇଥିଲା । ଶୈଳବାଳା ନିଜ ଘରେ ହୋମ୍ ଆଇସୋଲେସନରେ ଥିଲେ । ଆଜି(ଗୁରୁବାର) ସକାଳୁ ୨୮ ବର୍ଷୀୟ ଏକମାତ୍ର ପୁଅର ମୃତ୍ୟୁ ଖବର ଶୁଣି ହୃଦଘାତରେ ମାଆ ଶୈଳବାଳାଙ୍କ ଜୀବନ ଚାଲିଯାଇଛି । ଖବର ଜଣାପଡିବା ପରେ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି । ସେପଟେ ଚୈତନ୍ୟ ଏବେବି କୋଭିଡ୍ ହସ୍ପିଟାଲରେ ଚିକିତ୍ସାଧୀନ ଅଛନ୍ତି ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
