ଯାଜପୁର: ଆଜି ଉତ୍ସବମୁଖର ସମଗ୍ର ଯାଜପୁର ଜିଲ୍ଲା । ବାଣ ଫୁଟାଇ ନାଚି, ଗାଇ, ମିଠା ଖାଇ ନିଜ ଖୁସିକୁ ଜାହିର କରୁଛନ୍ତି ସହରବାସୀ । କାରଣ ଜିଲ୍ଲାରେ ଖୋଲିବ ମେଡିକାଲ କଲେଜ । ବହୁ ପ୍ରତୀକ୍ଷିତ ଏହି ପ୍ରସ୍ତାବକୁ କେନ୍ଦ୍ର ଦେଇଛି ଗ୍ରୀନ ସିଗନାଲ । ଏବେ ଦେଖିବାକୁ ମିଳିବନି ଆଉ ନଗଡା ଭଳି ଚିତ୍ର । ସୁସ୍ଥ ହେବ ଜିଲ୍ଲା । ଏଥିପାଇଁ ତ ନିଜ ଉତ୍କଣ୍ଠାକୁ ସମ୍ଭାଳିପାରୁ ନାହାନ୍ତି ଜିଲ୍ଲାବାସୀ ।
ଭିଡିଓ ସୌଜନ୍ୟ: ସମ୍ବାଦଦାତା, ଯାଜପୁର
ଦୀର୍ଘ ଦେଢ ବର୍ଷ ପରେ ପୁରୁଣ ହେବାକୁ ଯାଉଛି ଜିଲ୍ଲବାସୀଙ୍କ ସ୍ବପ୍ନ । ବାକି ତ କେବଳ ରାଜ୍ୟ ସରକାରଙ୍କ ହଁକୁ । ଏକ ଉପାନ୍ତ ଅଞ୍ଚଳରେ ମେଡିକାଲ ଖୋଲିବା ଦ୍ବାରା କେବଳ ଯାଜପୁର ନୁହେଁ ଆଖପାଖ ଅଞ୍ଚଳ ମଧ୍ୟ ଉପକୃତ ହେବେ । ସେପଟେ ପ୍ରସ୍ତାବିତ ମେଡିକାଲ କଲେଜ ପାଇଁ ଆଙ୍କୁଲା ଠାରେ ଜାଗା ଚିହ୍ନଟ ହୋଇସାରିଛି । ଏଥିସହିତ ଯାଜପୁର ସଦର ଡାକ୍ତରଖାନା ଓ ଏହାର ଆଖାପାଖ ଅଞ୍ଚଳରେ ନର୍ସିଂ କଲେଜ ନିର୍ମାଣ ହେବା ପାଇଁ ମଧ୍ୟ ସ୍ଥିର ହୋଇଛି ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
