ଯାଜପୁର: ଯାଜପୁରରେ ଚିହ୍ନଟ ହୋଇଥିବା କୋରୋନା ରୋଗୀଙ୍କ ରିପୋର୍ଟ ନେଗେଟିଭ ଆସିବା ପରେ ଜିଲ୍ଲା ପ୍ରଶାସନ ଲକ ଡାଉନ ନିୟମକୁ କୋହଳ କରିଛି । ସୋମବାର ଠାରୁ ସକାଳ ୬ଟାରୁ ଦିନ ୧୦ଟା ଗ୍ୟାରେଜ, ସାଇକେଲ ଏବଂ ଦୁଗ୍ଧଜାତ ସାମଗ୍ରୀ ଦୋକାନକୁ ଖୋଲିବାକୁ ଅନୁମତି ଦେଇଛି । ଏହି ଦୋକାନ ଗୁଡିକ ଖୋଲିବା ପରେ ସାଧାରଣ ଲୋକଙ୍କ ମଧ୍ୟରେ ଖୁସିର ଲହରି ଖେଳିଯାଇଛି ।
ଯାଜପୁରରେ କୋହଳ ହେଲା ଲକ ଡାଉନ
ଦୀର୍ଘଦିନ ଧରି ବନ୍ଦ ପଡିଥିବା ଦୋକାନ ଖୋଲିବା ପରେ ଗ୍ରାହକ ମାନେ ଦୋକାନ ଗୁଡିକରେ ଭିଡ ଜମାଇଥିବା ଦେଖିବାକୁ ମିଳିଛି । କିନ୍ତୁ ଦୋକାନ ଗୁଡିକରେ ସାମାଜିକ ଦୂରତ୍ବ ବଜାୟ ରଖିବା ସହିତ ମାସ୍କ ପରିଧାନ କରିବାକୁ ପରାମର୍ଶ ଦିଆଯାଇଛି ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
