ଯାଜପୁର: ଝରାଫୁଲ ରହସ୍ୟଜନକ ମୃତ୍ୟୁ ଘଟଣା । ଘଟଣାର ଅଭିଯୁକ୍ତ ରାକେଶ ସ୍ବାଇଁଙ୍କୁ ଆଜି ତିନି ଦିନିଆ ରିମାଣ୍ଡରେ ଆଣିବା ପରେ ପଚରାଉଚୁରା କରୁଛି କୁଆଖିଆ ପୋଲିସ । ତଦନ୍ତ ସରିବା ପରେ ପ୍ରକୃତ ତଥ୍ୟ ସାମନାକୁ ଆସିବ ବୋଲି ଯାଜପୁର ରୋଡ ଏସଡିପିଓ ଚିନ୍ମୟ କୁମାର ନାୟକ କହିଛନ୍ତି ।
ସେପଟେ, ପୋଲିସ ଅଭିଯୁକ୍ତକୁ ପଚରା ଉଚୁରା କରୁଥିବାବେଳେ ଝରାଫୁଲଙ୍କ ବାପା କୁଆଖିଆ ଥାନାରେ ପହଞ୍ଚିଛନ୍ତି । ପୋଲିସ ଡାକରାରେ ସେ ଥାନାକୁ ଆସିଥିବା କହିଛନ୍ତି । ଏହା ସହ ରାକେଶର ସହଯୋଗୀକୁ ଗିରଫ କରିବାକୁ କରିବା ସହ ଝରାଫୁଲଙ୍କ ଫୋନ ଜବତ କରିବାକୁ ମଧ୍ୟ ଦାବି କରିଛନ୍ତି । ଭିସରା ରିପୋର୍ଟ ପାଇଁ ଝରାଫୁଲଙ୍କ ମୃତଦେହର ଅଂଶବିଶେଷ ବା ତାଙ୍କ ଅଙ୍ଗକୁ ପରୀକ୍ଷା ପାଇଁ ଭୁବନେଶ୍ବର ଲାବୋରେଟରୀକୁ ପଠାଯାଇଛି । ସମସ୍ତ ଦିଗକୁ ନେଇ ତଦନ୍ତ ଜାରି ରହିଛି ।
ଅନ୍ୟପଟେ, ଅଭିଯୁକ୍ତକୁ ପଚାର ଉଚାର କରିବା ସହ ଭୁବନେଶ୍ବର ଧର୍ମବିହାର ଗେଷ୍ଟହାଉସ ଓ ଲିଙ୍ଗରାଜ ଥାନା ଅଞ୍ଚଳର ରେଷ୍ଟୁରାଣ୍ଟରେ ଖାଇବା ସମୟର ସିସିଟିଭ ପୁଟେଜର ମଧ୍ୟ ଯାଞ୍ଚ କରାଯିବ ।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
