ଯାଜପୁର: ରମାଦେବୀ ବିଶ୍ବବିଦ୍ୟାଳୟର ଛାତ୍ରୀ ଝରାଫୁଲ ମୃତ୍ୟୁ ଘଟଣାରେ ବଢିବାରେ ଲାଗିଛି ସସପେନ୍ସ । ଆଜିଯାଏଁ ଝରାଫୁଲଙ୍କ ପ୍ରକୃତ ମୃତ୍ୟୁ କାରଣ ଜଣାପଡି ନଥିବାବେଳେ ଯାଜପୁର ପୋଲିସ ଅଭିଯୁକ୍ତ ରାକେଶ ସ୍ବାଇଁକୁ ଘନଘନ ଜେରା କରିଛି ।
ଏଥିସହ ରାକେଶକୁ ଆଜି ଝରାଫୁଲଙ୍କ ମୃତଦେହ ଫିଙ୍ଗିଥିବା ସ୍ଥାନକୁ ନେଇ ସିନ ରିକ୍ରିଏଟ କରିଛି ପୋଲିସ । କେମିତି ମୃତଦେହକୁ ନିଆଯାଇଥିଲା ଓ କିପରି ସେହି ସ୍ଥାନରେ ପଡିଥିଲା, ସେନେଇ ଡେମୋ ଦେଖାଇଛି ଅଭିଯୁକ୍ତ । ସିନ ରିକ୍ରିଏଟ ପରେ ରାକେଶକୁ ପୁଣି କୁଆଖିଆ ଥାନାକୁ ନିଆଯାଇ ସେଠାରେ ଘନଘନ ଜେରା କରାଯାଉଥିବା ଜଣାପଡିଛି ।
ଅନ୍ୟପଟେ ରାକେଶର ଅନ୍ୟଜଣେ ସହଯୋଗୀ ଏବେ ବି ଫେରାର ଥିବାବେଳେ ତାକୁ ଧରିବାକୁ ପୋଲିସ ପକ୍ଷରୁ ଅଧିକ ତନାଘନା କରାଯାଉଛି । ଏଥିସହ ଅଧିକ ତଥ୍ୟ ସଂଗ୍ରହ ପାଇଁ ଝରାଫୁଲଙ୍କ ବାପାଙ୍କୁ କୁଆଖିଆ ଥାନାକୁ ଡାକିଛି ପୋଲିସ । ସୂଚନାଯୋଗ୍ୟ ଆଜିଠାରୁ ରାକେଶକୁ 3 ଦିନିଆ ରିମାଣ୍ଡରେ ନେଇଛି କୁଆଖିଆ ପୋଲିସ ।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
