ଯାଜପୁର: ଜିଲ୍ଲାର ସୁକିନ୍ଦା ଉପତ୍ୟକା ଖଣି କ୍ଷତିଗ୍ରସ୍ତ ଗଣ ମଞ୍ଚ ପକ୍ଷରୁ ବିଭିନ୍ନ ଦାବିରେ ଜିଲ୍ଲାପାଳଙ୍କ ଅଫିସ ସମ୍ମୁଖରେ ଗଣ ଧାରଣା ଦିଆଯାଇଛି । ସାରୁଆବିଲ ଓ କମରଦା ଖଣିରେ ତୁରନ୍ତ ସ୍ଥାନୀୟ ବେକାରଙ୍କୁ ନିଯୁକ୍ତି ଦେବା ସହିତ କଂସ ପଞ୍ଚାୟତର ବେକାର ଯୁବକ ଓ ଯୁବତୀଙ୍କୁ ସ୍ଥାନୀୟ ଖଣିରେ ନିଯୁକ୍ତି ଦେବା ଦାବିରେ ଗଣ ଧାରଣା ଦିଆଯାଇଛି ।
ଖଣି କ୍ଷତିଗ୍ରସ୍ତ ଗଣ ମଞ୍ଚର ଜିଲ୍ଲାପାଳ ଅଫିସ ଆଗରେ ଗଣ ଧାରଣା
ଏଥିସହିତ ପୂର୍ବରୁ ଛଟେଇ ହୋଇଥିବା ଶ୍ରମିକଙ୍କୁ ପୁନଃ ନିଯୁକ୍ତି ଦେବା ପାଇଁ ଦାବି କରାଯାଇଛି । ପୂର୍ବରୁ ଏନେଇ ପ୍ରଶାସନ ନିକଟରେ ଦାବି କରାଯାଇ ଆସୁଥିଲେ ହେଁ ଦାବି ପ୍ରତି ଅଣଦେଖା କରୁଛନ୍ତି ଖଣି କମ୍ପାନୀ କର୍ତ୍ତୃପକ୍ଷ । ଏହାର ପ୍ରତିବାଦରେ ଆଗାମୀ ଦିନରେ ବଡ଼ ଧରଣର ଆନ୍ଦୋଳନ କରାଯିବ ବୋଲି ଚେତାବନୀ ଦିଆଯାଇଛି ।
ଇଟିଭି ଭାରତ, ଯାଜପୁର
