ଯାଜପୁର: ଜିଲ୍ଲାବାସୀଙ୍କ ମୁହଁରେ ଫୁଟିଲା ହସ । ଦୀର୍ଘଦିନ ଧରି ଜିଲ୍ଲାରେ ମେଡିକାଲ କଲେଜ ପ୍ରତିଷ୍ଠା ହେବା ନେଇ ଯେଉଁ କଳ୍ପନାଜଳ୍ପନା ଲାଗି ରହିଥିଲା ତାର ଅନ୍ତ ଘଟିଛି । ଯାଜପୁରରେ ପ୍ରସ୍ତାବିତ ମେଡିକାଲ କଲେଜ ପାଇଁ ମୋଟ ୩୭୧ କୋଟି ଟଙ୍କା ବ୍ୟୟ ବରାଦ ହୋଇଛି।
ଭିଡିଓ ସୌଜନ୍ୟ: ସମ୍ବାଦଦାତା, ଯାଜପୁର
ଜିଲ୍ଲାର ଆଙ୍କୁଲା ମୌଜାରେ ହେବାକୁ ଥିବା ଏହି ମେଡିକାଲ କଲେଜ ପାଇଁ ପ୍ରଥମ ପର୍ଯ୍ୟାୟରେ କେନ୍ଦ୍ର ସରକାର ଅର୍ଥ ଅନୁମୋଦନ କରିବା ସହ ଟେଣ୍ଡର ପାଇଁ ମଧ୍ୟ ଆହ୍ବାନ କରିଛନ୍ତି । ମେଡିକାଲ କଲେଜ ପାଇଁ ବର୍ତ୍ତମାନ ସୁଦ୍ଧା ମୋଟ ୨୫ ଏକର ଜମି ଯୋଗାଡ ହୋଇଥିବା ବେଳେ ପରବର୍ତ୍ତୀ ପର୍ଯ୍ୟାୟରେ ଆହୁରି ୮ ଏକର ଜମି ଯୋଗାଡ କରାଯିବ । ଏହି ସ୍ଥାନରେ ସେଣ୍ଟର ଫର ଏକ୍ସିଲେନ୍ସ ପ୍ରତିଷ୍ଠା କରାଯିବ ବୋଲି ଯାଜପୁର ଜିଲାପାଳ ରଞ୍ଜନ କୁମାର ଦାସ ଜଣାଇଛନ୍ତି।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
