ଯାଜପୁର: ଗିଫ୍ଟ ଦୋକାନରୁ ଗଞ୍ଜେଇ ଜବତ । ଯାଜପୁର ଟାଉନଥାନା ଅନ୍ତର୍ଗତ ଚିତୋଳ କଲେଜ ଛକରେ ଥିବା ଏକ ଗିଫ୍ଟ ଦୋକାନରେ ଟାଉନ ଥାନା ପୋଲିସ ଅଚାନକ ଚଢଉ କରି 1 କେଜି 600 ଗ୍ରାମ ଗଞ୍ଜେଇ ଓ 20 ଗ୍ରାମ ଅଫିମ ଜବତ କରିଛି । ଏହାସହ ଜମହ୍କୁ ଗିରଫ କରି କୋର୍ଟ ଚାଲାଣ କରିଥିବା ଜଣାପଡିଛି ।
ଗିଫ୍ଟ ଦୋକାନରୁ ଗଞ୍ଜେଇ ଜବତ, ଜଣେ ଗିରଫ
ଗିରଫ ଅଭିଯୁକ୍ତ ହେଲେ ଝାଡଗାଁର ଦିପକ ଓରଫ ପ୍ରଶାନ୍ତ କୁମାର କର । ଦିପକ ତାଙ୍କ ଦୋକାନରେ ଗଞ୍ଜେଇ ବେପାର କରୁଥିବା ନାଇଟ ପେଟ୍ରୋଲିଂ ଟିମ ଏକ ବିଶ୍ବସ୍ତ ସୂତ୍ରରୁ ଖବର ପାଇ ଟାଉନ ଥାନାରେ ଜଣାଇଥିଲେ । ପରେ ଥାନା ଅଧିକାରୀଙ୍କ ନିର୍ଦ୍ଦେଶ କ୍ରମେ ଏକ ସ୍ବତନ୍ତ୍ର ଟିମ ଗଠନ କରାଯାଇ ମାଜିଷ୍ଟ୍ରେଟଙ୍କ ଉପସ୍ଥିତିରେ ଉକ୍ତ ଦୋକାନରେ ଚଢାଉ କରାଯାଇଥିଲା ।
ଏନେଇ ପୋଲିସ କେସ ନଂ ୩୭୫/୧୯, ଦଫା ୧୮/୨୦୯(ବି)(ଆଇଆଇ)(ବି) ମାମଲା ରୁଜୁ କରି ଅଭିଯୁକ୍ତକୁ କୋର୍ଟ ଚାଲାଣ କରିଥିବା ଯାଜପୁର ଏସ୍ଡ଼ିପିଓ ରବିନ୍ଦ୍ର କୁମାର ଜେନା ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
