ଯାଜପୁର: ସୁକିନ୍ଦା ବ୍ଳକ ନଗଡ଼ା ଅଞ୍ଚଳର ବିଭିନ୍ନ ସ୍ଥାନରେ ପ୍ରବଳ ବର୍ଷା ଯୋଗୁଁ ଯୋଗାଯୋଗ ବିଚ୍ଛିନ୍ନ ହୋଇଛି । ଏହା ସହ ଦୁଇଦିନ ଧରି ଲଗାଣ ବର୍ଷା ଯୋଗୁ ବିଭିନ୍ନ ଗାଁରେ ବନ୍ୟା ସୃଷ୍ଟି ହୋଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, ଯାଜପୁର
ନଗଡ଼ା ଅଞ୍ଚଳର ଦେଓଗାଁ, ସତକୁଳିଆ, ଦୈତାରୀ ପାହାଡ଼ ଆଦି ତଳେ ଥିବା ଖୁଣ୍ଟାପସି, ଚିଙ୍ଗୁଡ଼ିପାଳ ଓ ରଗଦା ଡ୍ୟାମ ନିକଟସ୍ଥ ଗାଁରେ ବନ୍ୟା ପ୍ରବେଶ କରିଥିବା ଦେଖିବାକୁ ମିଳିଛି । ବିଭିନ୍ନ ପାହାଡ ପାର୍ଶ୍ବ ନାଳର ସେତୁ ଉପରେ ୨ ରୁ ୪ ଫୁଟ ଉଚ୍ଚତାରେ ବନ୍ୟା ଜଳ ପ୍ରଭାବିତ ହେଉଥିବା ଦେଖିବାକୁ ମିଳିଛି। ସେତୁ ଉପରେ ବର୍ଷାଜଳ ପ୍ରଭାବିତ ହେତୁ ଖରଖରୀ ଓ ଡ଼ମଶାଳ ସେତୁ ଉପରେ ଯାତାୟତ ବନ୍ଦ ହୋଇଛି। ନଗଡ଼ା ସହିତ ଢେଙ୍କାନାଳ ଜିଲ୍ଲାର ଅନ୍ତର୍ଗତ ବିଭିନ୍ନ ସୀମାନ୍ତ ଗାଁକୁ ଯାତାୟାତ ବାଧାପ୍ରାପ୍ତ ହୋଇଛି।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
