ଯାଜପୁର: ପୁଣି ଋଣଭାର ସହି ନପାରି ଏକ ଚାଷୀ ଆତ୍ମହତ୍ୟା କରିଥିବା ଘଟଣା ସାମ୍ନାକୁ ଆସିଛି । ଏଭଳି ଘଟଣା ଦେଖିବାକୁ ମିଳିଛି ଯାଜପୁର ଜିଲ୍ଲା ଧର୍ମଶାଳା ଥାନା ଅନ୍ତର୍ଗତ ପଟୁଣିଆ ଗ୍ରାମରେ । ମୃତକ ଜଣଙ୍କ ପଟୁଣିଆ ଗ୍ରାମରେ ସୁଶାନ୍ତ ଗନ୍ତାୟତ ବୋଲି ଜଣାପଡିଛି ।
ଭିଡିଓ ସୌଜନ୍ଯ: ସମ୍ବାଦଦାତା, ଯାଜପୁର
ସୂଚନା ଅନୁଯାୟୀ, ଶନିବାର ସୁଶାନ୍ତ ବିଷ ପିଇ ଆତ୍ମହତ୍ୟା କରିବାକୁ ଚେଷ୍ଟା କରିଥିଲେ । ଏହାପରେ ତାଙ୍କୁ କଟକ ବଡ ମେଡିକାଲ ନିଆଯାଇଥିଲା । କିନ୍ତୁ ସେଠାରେ ତାଙ୍କର ଚିକିତ୍ସାଧୀନ ଅବସ୍ଥାରେ ମୃତ୍ୟୁ ଘଟିଥିଲା ।
ତାଙ୍କ ମୃତ ଦେହକୁ ଏପର୍ଯ୍ୟନ୍ତ ପ୍ରଶାସନ ପରିବାରକୁ ହସ୍ତାନ୍ତର କରିନଥିବା ଘଟଣାରେ ସ୍ଥାନୀୟ ଅଞ୍ଚଳରେ ଉତ୍ତେଜନା ପ୍ରକାଶ ପାଇଛି । ଏପଟେ ମୃତକଙ୍କ ପରିବାରକୁ କ୍ଷତିପୂରଣ ଦାବିରେ ଗ୍ରାମବାସୀଙ୍କ ସମେତ ପରିବାର ଲୋକେ କଣ୍ଟିଆଗାଡିଆ ଛକ ନିକଟରେ ଥିବା 53ନଂ ଜାତୀୟ ରାଜପଥ ଅବରୋଧ କରିଥିଲେ ।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
