ଯାଜପୁର: କୃଷି ସମବାୟ ସମିତିରେ ପିସି କାରବାର ଅଭିଯୋଗ । ଯାଜପୁର ମଙ୍ଗଳପୁର ପ୍ରାଥମିକ କୃଷି ସମବାୟ ସମିତିର ସଭାପତି ଏବଂ ପରିଚାଳନା କର୍ମଚାରୀଙ୍କ ନାମରେ ଆସିଛି ଏଭଳି ଅଭିଯୋଗ । ଆଉ ଏଭଳି ଅଭିଯୋଗ ଆଣିଛନ୍ତି ସେଠାକାର କିଛି ଚାଷୀ ।
ଭିଡିଓ ସୌଜନ୍ୟ: ସମ୍ବାଦଦାତା, ଯାଜପୁର
ଟଙ୍କା ନାହିଁ ତ ଲୋନ ନାହିଁ । ଏପରିକି ବିନା ଲାଞ୍ଚରେ କୌଣସି ଚାଷୀଙ୍କୁ ଋଣ ପ୍ରଦାନ କରାଯାଏ ନାହିଁ ବୋଲି ଅଭିଯୋଗ ମଧ୍ୟ କରିଛନ୍ତ ଚାଷୀ । ଏପରିକି ବର୍ତମାନ ସଭାପତି ପଦରେ ଥିବା ଅଧାରଚନ୍ଦ୍ର ଧଳଙ୍କ ନାମରେ ମଧ୍ୟ ବିଭାଗୀୟ ଉଚ୍ଚପଦସ୍ଥ ଅଧିକାରୀଙ୍କ ପାଖରେ ଏସମ୍ପର୍କରେ ଲିଖିତ ସୂଚନା ପ୍ରଦାନ କରିଛନ୍ତି କିଛି ଚାଷୀ ।
ଅନେକ ସମୟରେ ୨-୩ ଗୁଣ୍ଠ ଜମି ଥିବା ଚାଷୀଙ୍କୁ ମୋଟା ଅଙ୍କର ପିସି ନେଇ ଲକ୍ଷ ଲକ୍ଷ ଟଙ୍କାର ଋଣ ଦିଆଯାଇଛି ସେସମ୍ପର୍କରେ ମଧ୍ୟ ଚାଷୀମାନେ ଅଭିଯୋଗ କରିଛନ୍ତି । ଅନ୍ୟପକ୍ଷରେ ଏସମ୍ପର୍କରେ ଖବର ପାଇବା ପରେ ତଦନ୍ତ ଆରମ୍ଭ କରିଛନ୍ତି ଉପରିସ୍ଥ ଅଧିକାରୀ ।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
