ଯାଜପୁର: ଅଘୋଷିତ ବିଦ୍ୟୁତ କାଟ୍ ଯୋଗୁଁ ରାସ୍ତାରୋକ କଲେ ଗ୍ରାମବାସୀ । ଏପରି ଘଟଣା ଘଟିଛି ଯାଜପୁର ଦଶରଥପୁର ବ୍ଲକ ଅନ୍ତର୍ଗତ ଖଣ୍ଡରା, ସାନସୁଆର, ବଡ଼ସୁଆର ଓ ମାର୍କଣ୍ଡପୁର ଅଞ୍ଚଳରେ । ଗତ କିଛିଦିନ ହେବ ଏହି ଅଞ୍ଚଳ ମାନଙ୍କରେ ବିଦ୍ୟୁତ କାଟ ଯୋଗୁଁ ଲୋକେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି ।
ଭିଡ଼ିଓ ସୌଜନ୍ଯ: ସମ୍ବାଦଦାତା,ଯାଜପୁର
ଅସହ୍ୟ ଗରମ ଯୋଗୁଁ ଛୋଟ ପିଲାଙ୍କ ଠାରୁ ଆରମ୍ଭ କରି ବୟସ୍କ ଲୋକ ପର୍ଯ୍ୟନ୍ତ ସମସ୍ତେ ଗରମରେ ସିଝୁଛନ୍ତି । ଏପରି ବିଦ୍ୟୁତ କାଟ୍ ପ୍ରତିବାଦରେ ବାରମ୍ବାର ବିଭାଗୀୟ କର୍ତ୍ତୃପକ୍ଷଙ୍କୁ ଅଭିଯୋଗ କରିବା ସ୍ବତ୍ତେ କିଛି ସୁଫଳ ମିଳୁନାହିଁ । ଶେଷରେ ଶହଶହ ଗ୍ରାମବାସୀ ଖଣ୍ଡରା ଛକ ନିକଟରେ ଟାୟାର ଜାଳି ୟାଜପୁର-ଜଗତସିହଂପୁର ମୁଖ୍ୟ ରାସ୍ତାକୁ ଆବରୋଧ କରିଥିଲେ ।
ଏ ବିଷୟରେ ଖବର ପାଇ ଯାଜପୁର ପୋଲିସ ଘଟଣା ସ୍ଥଳରେ ପହଁଞ୍ଚିବା ସହ ଗ୍ରାମବାସୀଙ୍କୁ ବୁଝାସୁଝା କରିଥିଲେ । ପରେ ଆନ୍ଦୋଳନକାରୀ ରାସ୍ତାରୋକ ପ୍ରତ୍ୟାବତ କରିବାରୁ ଗାଡ଼ିମଟର ଚଳାଚଳ ସ୍ବଭାବିକ ହୋଇଥିଲା ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
