ଯାଜପୁର: ବ୍ୟାସନଗରସ୍ଥିତ ବ୍ୟାସ ସରୋବର ବସ୍ତିରେ ଜିଲ୍ଲା ମହିଳା ସମାଜସେବୀଙ୍କ ପକ୍ଷରୁ ଅସହାୟଙ୍କୁ ଶୁଖିଲା ଖାଦ୍ୟ ବଣ୍ଟନ । ମହିଳା ସମାଜସେବୀ ମିଶନର ସଭାପତି ରଞ୍ଜିତା ସାମଲଙ୍କ ନେତୃତ୍ୱରେ ଆୟୋଜିତ ଏହି ଶୁଖିଲା ଖାଦ୍ୟ ବଣ୍ଟନ କାର୍ଯ୍ୟକ୍ରମରେ ଉଇଁଗ୍ସ ମହିଳା ସଙ୍ଗଠନର ସଭାପତି ଉର୍ମିଲା ଦେଓ, ଉପସଭାପତି ପପୁନ ମଲ୍ଲିକ, ସମ୍ପାଦକ ରଜନିରାଣୀ ସେଠୀ ଓ ସାଧାରଣ ସମ୍ପାଦକ ଚିନ୍ମୟୀ ଦାସ ପ୍ରମୁଖ ଯୋଗ ଦେଇଥିଲେ ।
ଜିଲ୍ଲାରେ ଲକଡାଉନ ଓ ସଟଡାଉନ କାରଣରୁ ଘରେ ବେରୋଜଗାର ହୋଇ ପଡିରହିଛନ୍ତି ଲୋକେ । ଯାହାଫଳରେ ଅନେକ ଲୋକ ଖାଇବା ପାଇଁ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି । ଏହା ଦେଖି ସମାଜସେବୀମାନେ ଶୁଖିଲା ଖାଦ୍ୟ ବାଣ୍ଟିବାକୁ ନିଷ୍ପତ୍ତି ନେଇଥିଲେ । ସମସ୍ତ ମହିଳା ସମାଜସେବୀମାନେ ବ୍ୟାସନଗରସ୍ଥିତ ବ୍ୟାସ ସରୋବର ବସ୍ତିରେ ପହଞ୍ଚି ଏଠାରେ ଥିବା ଏକ ଶହରୁ ଊର୍ଦ୍ଧ୍ବ ଅସହାୟ ପରିବାରକୁ ବିସ୍କୁଟ, ମୁଢ଼ି, କଦଳୀ ଓ ବିଭିନ୍ନ ରାସନ ସାମଗ୍ରୀ ବାଣ୍ଟିଥିଲେ । ଏଥିସହିତ ଆଗାମୀ ଦିନରେ ବ୍ୟାସନଗର ପୌରପରିଷଦର ଅନେକ ସାହି ବସ୍ତିରେ ଅସହାୟଙ୍କୁ ରନ୍ଧା ଖାଦ୍ୟ ଦିଆଯିବ ବୋଲି ମହିଳା ସମାଜସେବୀମାନେ କହିଛନ୍ତି ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
