ଯାଜପୁର: ଭିନ୍ନକ୍ଷମ ଅଧିକାର ସଂପର୍କରେ ବୈଠକ ଅନୁଷ୍ଠିତ ହୋଇଯାଇଛି । ଯାଜପୁର ଜିଲା ସଂସ୍କୃତି ଭବନ ପରିସରରେ ସେମାନଙ୍କୁ ମିଳିବାକୁ ଥିବା ବିଭିନ୍ନ ଯୋଜନା ସଂପର୍କରେ ଏକ ବୈଠକରେ ଆଲୋଚନା କରାଯାଇଛି ।
ଯାଜପୁରରେ ଭିନ୍ନକ୍ଷମ ଅଧିକାର ସଂପର୍କରେ ବୈଠକ
ରାଜ୍ୟ ଭିନ୍ନକ୍ଷମ ଆୟୁକ୍ତ ସୁଲୋଚନା ଦାସ ମୁଖ୍ୟ ଅତିଥି ଭାବେ ଯୋଗ ଦେଇ ଭିନ୍ନକ୍ଷମ ମାନେ ସମାଜର ଅଲୋଡା ନୁହେଁ ବରଂ ସାଧାରଣ ଲୋକଙ୍କ ଭଳି ତାଙ୍କର ମଧ୍ୟ ସମାନ ଅଧିକାର ରହିଛି ବୋଲି ମତ ଦେଇଥିଲେ । ଭିନ୍ନକ୍ଷମ ମାନଙ୍କୁ ବିଭିନ୍ନ ଯୋଜନାରେ ସାମିଲ କରିବା ପାଇଁ ରହିଥିବା ଆଇନକୁ ସଠିକ୍ ଭାବେ କାର୍ଯ୍ୟକାରୀ କରିବାକୁ ସେ ପରାମର୍ଶ ଦେଇଥିଲେ ।
ଏହି ଅବସରରେ ଯାଜପୁର ଜିଲାପାଳ ରଂଜନ କୁମାର ଦାସ ମଧ୍ୟ ଯୋଗ ଦେଇ ଭିନ୍ନକ୍ଷମ ମାନଙ୍କ ଥଇଥାନ ପାଇଁ ଜିଲାରେ ଏକ ସ୍ବତନ୍ତ୍ର ବ୍ୟବସ୍ଥା କରାଯିବ ବୋଲି ରାଜ୍ୟ ସରକାର ନିଷ୍ପତି ନେଇଛନ୍ତି ବୋଲି ସୂଚନା ଦେଇଥିଲେ ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
