ଯାଜପୁର: ବିଜେପି ନଜରରେ ବରୀ । 3ଟି ବ୍ଲକକୁ ନେଇ ଗଠିତ ଏହି ନିର୍ବାଚନ ମଣ୍ଡଳୀକୁ ତୁହାକୁ ତୁହା ଛୁଟୁଛି କେନ୍ଦ୍ରମନ୍ତ୍ରୀଙ୍କ ସୁଅ । ପ୍ରଚାର ପାଇଁ ଗୁରୁବାର କେନ୍ଦ୍ର ଗୃହମନ୍ତ୍ରୀ ରାଜନାଥ ସିଂହ ଏଠାକୁ ଆସିଥିବା ବେଳେ ଆଜି(ଶୁକ୍ରବାର) ଆସିଛନ୍ତି ଧର୍ମେନ୍ଦ୍ର ପ୍ରଧାନ ।
ଭିଡିଓ ସୌଜନ୍ୟ- ପ୍ରତିନିଧି, ରାଇରଙ୍ଗପୁର
ମୋଦି ସରକାର ମାତ୍ର 5 ବର୍ଷରେ ଜନତାଙ୍କ ବିଶ୍ବାସ ଭାଜନ ହୋଇପାରିଛନ୍ତି । ହେଲେ ବିଜେଡି ରାଜ୍ୟରେ 19 ବର୍ଷ ଶାସନ କରିବା ପରେ ବି ଲୋକଙ୍କ ସାଧାରଣ ସମସ୍ୟା ଦୂର କରିପାରୁ ନାହାଁନ୍ତି । ଏଣୁ ମୋଦିଙ୍କୁ କେବଳ 5 ବର୍ଷ ସୁଯୋଗ ଦିଆଯାଉ, ଯାହା ବିଜେଡି କରିନି ତାହା ବିଜେପି କରି ଦେଖାଇବ । ଏନେଇ ବ୍ରହ୍ମବରଦାରେ ଆୟୋଜିତ ବିଜୟ ସଂଙ୍କଳ୍ପ ସଭାରେ ଯୋଗ ଦେଇ ଧର୍ମେନ୍ଦ୍ର ଦୃଢ ସ୍ବରରେ ଆହ୍ବାନ ଦେଇଛନ୍ତି ।
ଏଠାରେ ସେ ବରୀ ବିଧାୟକ ପ୍ରାର୍ଥୀ ବିଶ୍ବରଞ୍ଜନ ମଲ୍ଲିକ ଓ ଯାଜପୁର ଲୋକସଭା ପ୍ରାର୍ଥୀ ଅମୀୟକାନ୍ତ ମଲ୍ଲିକଙ୍କ ପାଇଁ ଭୋଟ ମାଗିଛନ୍ତି ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
