ଯାଜପୁର: ଆରମ୍ଭ ହୋଇଯାଇଛି ଅନ୍ତଃକ୍ଳବ ଟୁର୍ଣ୍ଣାମେଣ୍ଟ । ଓଡିଶା କ୍ରିକେଟ ଆସୋସିଏସନ (Odisha Cricket Association) ଆନୁକୁଲ୍ୟରେ ଆରମ୍ଭ ହୋଇଛି ଟୁର୍ଣ୍ଣାମେଣ୍ଟ । ପ୍ରଥମ ମ୍ୟାଚରେ ଯାଜପୁର ରୋଡ କ୍ରିକେଟ କ୍ଳବ ସହିତ ସୁକିନ୍ଦା କ୍ଳବ ମଧ୍ୟରେ ମୁକାବିଲା ହୋଇଛି ।
ଏହି ଟୁର୍ଣ୍ଣାମେଣ୍ଟରେ ଜିଲ୍ଲାର ୧୦ ଟିମ ସାମିଲ ହୋଇଛନ୍ତି । କଳିଙ୍ଗନଗର, ପାଣିକୋଇଲି, ଯାଜପୁର ରୋଡ, ସୁକିନ୍ଦା, ବାରଗଡ଼ିଆ, ଏମସିସି ଯାଜପୁର, ଚଣ୍ଡିଖୋଲ, କପାସି, ଗୋଳକୁଣ୍ଡ, ଓ ବାଣପୁର ଭାଗ ନେଇଛନ୍ତି । ଜିଲ୍ଲା ସଭାପତି ଯଯାତି କିଶ୍ବର ଦାସଙ୍କ ସଭାପତିତ୍ବରେ ଆୟୋଜିତ ହୋଇଛି ଏହି ଟୁର୍ଣ୍ଣାମେଣ୍ଟ । ଆସନ୍ତା ୨୫ ତାରିଖ ଯାଏଁ ଏହି ଟୁର୍ଣ୍ଣାମେଣ୍ଟ ଚାଲିବ ।
ଟୁର୍ଣ୍ଣାମେଣ୍ଟରେ ଭଲ ଖେଳିଥିବା ଟିମରୁ ଉନ୍ନତ ଖେଳ ପ୍ରଦର୍ଶନ କରିଥିବା ଖେଳାଳିଙ୍କୁ ଯାଜପୁର ଜିଲ୍ଲା ଅଣ୍ଡର 19 ଓ ସିନିୟର ଦଳ ପାଇଁ ଚୟନ କରାଯିବ । ଏ ନେଇ ଜିଲ୍ଲା କ୍ରିକେଟ ସଙ୍ଘ ପକ୍ଷରୁ ସୂଚନା ଦିଆଯାଇଛି । ଭଲ ପ୍ରଦର୍ଶନ କରିବା ଲକ୍ଷ୍ୟ ନେଇ ଗ୍ରାଉଣ୍ଡକୁ ଓହ୍ଲାଇଛନ୍ତି ଖେଳାଳି ।
ଯାଜପୁରରୁ ଜ୍ଞାନ ରଞ୍ଜନ ଓଝା,ଇଟିଭି ଭାରତ
