ଯାଜପୁର: ଧର୍ମଶାଳା ଥାନା ଅଧୀନସ୍ଥ ୧୬ ନମ୍ବର ଜାତୀୟ ରାଜପଥର ବ୍ରାହ୍ମଣୀ ବ୍ରିଜ ନିକଟରେ କୋର୍ଟ ଭ୍ୟାନ ସହିତ ଏକ ଟ୍ରକ ମୁହାଁମୁହିଁ ଧକ୍କା ହୋଇଛି । ଦୁର୍ଘଟଣାରେ ଜଣେ କଏଦୀଙ୍କ ସମେତ ୭ ଜଣ ଆହତ ହୋଇଛନ୍ତି । ଆହତମାନଙ୍କୁ ପ୍ରଥମେ ଧର୍ମଶାଳା ମେଡିକାଲ ଓ ପରେ କଟକ ବଡ ମେଡିକାଲକୁ ସ୍ଥାନାନ୍ତର କରାଯାଇଛି ।
ଟ୍ରକ-କୋର୍ଟ ଭ୍ୟାନ ମୁହାଁମୁହିଁ ଧକ୍କା, କଏଦୀଙ୍କ ସମେତ ୭ ଆହତ
ସୂଚନା ଅନୁସାରେ, କୋର୍ଟ ଭ୍ୟାନଟି କଟକ ଚୌଦ୍ଵାରରୁ ବାଲେଶ୍ଵର ଅଭିମୁଖେ ଯାଉଥିଲା । ୧୬ ନଂ ଜାତୀୟ ରାଜପଥର ବ୍ରାହ୍ମଣୀ ବ୍ରିଜ ନିକଟରେ ଏକ ଟ୍ରକ କୋର୍ଟ ଭ୍ୟାନକୁ ମୁହାଁମୁହିଁ ଧକ୍କା ଦେଇଥିଲା । କୋର୍ଟ ଭ୍ୟାନରେ ୪ ପୋଲିସ କର୍ମଚାରୀ ରହିଥିବା ବେଳେ ଜଣେ କଏଦୀ ଓ ଅନ୍ୟ ୨ଜଣ ରହିଥିଲେ ।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
