ଯାଜପୁର: ଜିଲ୍ଲାରେ କେନ୍ଦ୍ରୀୟ ଅନୁଧ୍ୟାନ ଟିମ୍ (Central team visit Jajpur )। ବାତ୍ୟା ଜଓ୍ବାଦର କ୍ଷୟକ୍ଷତି ଆକଳନ ନେଇ ଆଜି କେନ୍ଦ୍ରୀୟ ଟିମ୍ ସକାଳ 10ଟା 30ରେ ଜିଲ୍ଲା ସର୍କିଟ ହାଉସରେ ପହଞ୍ଚିଥିଲା । ଏହାପରେ ଜିଲ୍ଲା ପ୍ରଶାସନ ସହ ଆଲୋଚନା କରିଥିଲେ । ଆଜି ୪ଟି ବ୍ଲକର ୧୨ଟି ଅଞ୍ଚଳରେ ବାତ୍ୟା କ୍ଷୟକ୍ଷତିର ଆକଳନ କରିବା ସହ ଚାଷୀଙ୍କ ସହ ଆଲୋଚନା କରିବ କେନ୍ଦ୍ରୀୟ ଟିମ୍ ।
Cyclonic Jawad: କ୍ଷୟକ୍ଷତି ଆକଳନ ନେଇ ଯାଜପୁରରେ କେନ୍ଦ୍ରୀୟ ଟିମ
ଟିମରେ ରହିଛନ୍ତି ଶାଶ୍ବତ ମହାପାତ୍ର ଓ ଡକ୍ଟର ମାନସ ସିହ୍ନା । ପ୍ରଥମେ ଏହି ଟିମ୍ ଦଶରଥପୁର ବ୍ଲକ ଅକରପଡା ପଞ୍ଚାୟତର ରାହାସୋଇ ଗାଁରେ ପହଞ୍ଚି ସ୍ଥିତି ଅନୁଧ୍ୟାନ କରିଛନ୍ତି । ଏହି ଅଞ୍ଚଳରେ ବ୍ୟାପକ ଧାନଫସଲ ପାଣିରେ ବୁଡିରହି ଗଜା ହୋଇଯାଇଥିବା ଅନୁଧ୍ୟାନ କରିଥିଲେ। ଏନେଇ ଟିମ ଅଧିକାରୀ ମାନେ ଚାଷୀଙ୍କ ସହ ଆଲୋଚନା କରିବା ସହ ସହଯୋଗ ପାଇଁ ପ୍ରତିଶୃତି ଦେଇଛନ୍ତି।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
