ଯାଜପୁର: ଜିଲ୍ଲାରେ ପୁଣି ହତ୍ୟାକାଣ୍ଡ । ଭାଉଜକୁ ପିଟି ପିଟି ହତ୍ୟା କଲା ଦିଅର । ଯାଜପୁର ଥାନା ମାର୍କଣ୍ଡପୁର ପଞ୍ଚାୟତ ମୋଗଳପୁର ଗାଁରେ ଘଟିଛି ଏଭଳି ଅଘଟଣ । ମୃତକ ହେଉଛନ୍ତି କୈଳାସ ଜେନାଙ୍କ ପତ୍ନୀ ମାତାଜୀ । ପାରିବାରିକ ହିଂସା ଯୋଗୁଁ ଏଭଳି ହତ୍ୟାକାଣ୍ଡ ହୋଇଥିବା ପ୍ରାଥମିକ ତଦନ୍ତରୁ ଜଣାପଡିଛି ।
ଯାଜପୁରରେ ଚାଞ୍ଚଲ୍ୟ: ଭାଉଜକୁ ପିଟି ପିଟି ହତ୍ୟା କଲା ଦିଅର
ବୁଧବାର ସକାଳେ କୈଳାସଙ୍କ ସାନ ଭାଇ ଭାସ୍କର ଭାଉଜଙ୍କ ସହିତ ଝଗଡା କରିଥିଲା । ଏଥିରେ ଉତକ୍ଷିପ୍ତ ହୋଇ ଭାଉଜ ମାତାଜୀଙ୍କୁ ପିଟି ପିଟି ହତ୍ୟା କରିଥିଲା । ପରେ ଘଟଣାସ୍ଥଳରୁ ଫେରାର ହୋଇଯାଇଛି ଭାସ୍କର । ଘଟଣା ସଂପର୍କରେ ଖବର ପାଇ ଯାଜପୁର ଥାନା ଅଧିକାରୀ ଆଶିଷ କୁମାର ସାହୁ ପହଞ୍ଚି ତଦନ୍ତ ଆରମ୍ଭ କରିଛନ୍ତି । ମୃତଦେହ ଜବତ କରି ବ୍ୟବଚ୍ଛେଦ ନିମନ୍ତେ ଯାଜପୁର ମୁଖ୍ୟ ଡାକ୍ତରଖାନାକୁ ପଠାଯାଇଛି ।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
