ଯାଜପୁର: ରାସ୍ତାରେ ଓଲଟିଲା ବୋଲେର ଜଣେ ମୃତ, ଅଳ୍ପକେ ବର୍ତ୍ତିଲେ ୫ ଜଣ । ଘଟଣା ସ୍ଥଳରେ ଜଳିଗଲା ବୋଲେର । ଯାଜପୁର ଜିଲ୍ଲା କଳିଆପାଣି ଥାନା ଅନ୍ତର୍ଗତ ଗରାମିଆଁ ନିକଟରେ ଘଟିଛି ଅଘଟଣ ।
ସୂଚନା ମୁତାବକ ଆଜି ଅପରାହ୍ନରେ ଏକ ବୋଲେରୋ କରଡ଼ାଗାଡିଆରୁ କାଳିଆପାଣି ଅଭିମୁଖେ ଯାଉଥିବା ସମୟରେ ଗିରିଜା ବାହାଳି ଗରାମିଆ ରେଙ୍ଗାଲି ରୋଡ ନିକଟରେ ଭାରସାମ୍ୟ ହରାଇ ଓଲଟି ଯିବାରୁ ଜଣକର ମୃତ୍ୟୁ ଘଟିଛି । ଯାନ୍ତ୍ରିକ ତ୍ରୁଟି ଯୋଗୁଁ ବୋଲେରୋଟି ଜଳିଯାଇଛି । ଗାଡ଼ିରେ ମୋଟ ୬ ଜଣ ଥିବାବେଳେ ଆଉ ୫ ଜଣଙ୍କୁ ଆହତ ଅବସ୍ଥା ରେ ସୁକିନ୍ଦା ଗୋଷ୍ଠୀସ୍ବାସ୍ଥ୍ୟ କେନ୍ଦ୍ର ରେ ଭର୍ତ୍ତି କରାଯାଇଛି । ସେମାନଙ୍କ ମଧ୍ୟରୁ ୨ ଜଣ ଙ୍କ ଅବସ୍ଥା ଗୁରୁତର ସେମାନଙ୍କୁ କଟକ SCB କୁ ସ୍ଥାନାନ୍ତର କରାଯାଇଛି।
ଘଟଣାସ୍ଥଳରେ ସୁକିନ୍ଦା ଦମକଳ ବାହିନୀ ପହଞ୍ଚି ନିଆଁକୁ ଆୟତ୍ତ କରିଛି। ଏବଂ କଳିଆପାଣି ପୋଲିସ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି। ୬ ଜଣଯାକ କଳିଆପାଣି ଥାନା ଅନ୍ତର୍ଗତ କରଡାଗଡ଼ିଆ ଗ୍ରାମର ହୋଇଥିବାବେଳେ ମୃତକଙ୍କ ନାମ ଶ୍ୟାମ ମୁଣ୍ଡା ବୟସ (୪୫ ) ବୋଲି ଜଣାପଡ଼ିଛି।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
