ଯାଜପୁର: ଜିଲ୍ଲା ବ୍ୟାସନଗର ପୌରାଞ୍ଚଳର ବିଭିନ୍ନ ସମସ୍ୟା ନେଇ ବିଜେପି ଯୁବ ମୋର୍ଚ୍ଚାର ଦାବିପତ୍ର ପ୍ରଦାନ । ମୋର୍ଚ୍ଚା ପକ୍ଷରୁ ପାଞ୍ଚ ଦଫା ଦାବି ନେଇ ପୌର ଅଧିକାରୀଙ୍କୁ ଏକ ଦାବିପତ୍ର ପ୍ରଦାନ କରାଯାଇଛି l ବିଜେପି ଜିଲ୍ଲା ଯୁବମୋର୍ଚ୍ଚାର ଉପସଭାପତି ସନ୍ଦିପ ପରିଡାଙ୍କ ନେତୃତ୍ୱରେ ବିଜେପି କର୍ମୀମାନେ ଗୋପବନ୍ଧୁ ଛକ ଠାରୁ ଏକ ଶୋଭାଯାତ୍ରାରେ ଆସି ପୌର କାର୍ଯ୍ୟାଳୟରେ ପହଞ୍ଚି ଦାବି ଜଣାଇଛନ୍ତି l
୫ ଦଫା ଦାବି ନେଇ ବିଜେପି ଯୁବମୋର୍ଚ୍ଚାର ଶୋଭାଯାତ୍ରା
ସହରରେ ରାସ୍ତାଘାଟ, ନାଳ ନର୍ଦ୍ଦମା ଅବସ୍ଥା ଶୋଚନୀୟ ହୋଇପଡି ଥିବାବେଳେ ମଶାମାଛିଙ୍କ ପ୍ରାଦୁର୍ଭାବ ବଢିବାରେ ଲାଗିଛି । ସହରର ବିଭିନ୍ନ ୱାର୍ଡରେ ରାସ୍ତା ଲାଇଟ ମରାମତି କରାଯାଉନାହିଁ । ଏସବୁ ସମସ୍ୟା ନେଇ 5 ଦଫା ଦାବିରେ ଶୋଭାଯାତ୍ରାରେ ସହର ପରିକ୍ରମା କରିବା ସହିତ ପୌର କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଛି । ସହରର ଏଭଳି ଦୂରାବସ୍ଥା ପାଇଁ ପୌର ପ୍ରଶାସନ ଓ ରାଜ୍ଯ ସରକାରଙ୍କ ଅପାରଗତାକୁ ଦାୟୀ କରିଛି ବିଜେପି ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
