ଯାଜପୁର: ବ୍ୟାସନଗର ପୌର ପରିଷଦ ଚୋରଦା ଗାଁ ୱାର୍ଡ ନମ୍ବର ୧୪ର ବିଜେପି ପ୍ରାର୍ଥୀ ନିଜର ପ୍ରାର୍ଥୀପତ୍ର ପ୍ରତ୍ୟାହାର କରିଛନ୍ତି । ସୂଚନା ମୁତାବକ ଆଜି(ସୋମବାର) ପୌର ନିର୍ବାଚନ ପାଇଁ ପ୍ରାର୍ଥୀପତ୍ର ପ୍ରତ୍ୟାହାରର ଶେଷ ଦିନ । ତେବେ ଆଜି ଶେଷ ଦିନରେ ଅନେକ ପ୍ରାର୍ଥୀ ନିଜର ପ୍ରାର୍ଥୀପତ୍ର ପ୍ରତ୍ୟାହାର କରୁଥିବା ଦେଖିବାକୁ ମିଳିଛି ।
ଏହି ପରିପ୍ରେକ୍ଷୀରେ ବ୍ୟାସନଗର ପୌର ପରିଷଦ ଚୋରଦା ଗାଁ ୱାର୍ଡ ନମ୍ବର ୧୪ର ବିଜେପି ପ୍ରାର୍ଥୀ ଅଜୟ ଅଗ୍ରୱାଲ ନିଜର ସ୍ବାସ୍ଥ୍ୟଗତ ସମସ୍ୟା କାରଣରୁ ପ୍ରାର୍ଥୀପତ୍ର ପ୍ରତ୍ୟାହାର କରିଥିବା ଜଣାପଡିଛି । ସେପଟେ ଏହି ୱାର୍ଡରେ ଏବେ ବିଜେଡି, କଂଗ୍ରେସ ସହିତ ଜଣେ ସ୍ଵାଧୀନ ପ୍ରାର୍ଥୀ ନିର୍ବାଚନ ଲଢ଼ୁଥିବା ଦେଖିବାକୁ ମିଳିଛି ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
