ଯାଜପୁର: ଜିଲ୍ଲାର ଅମ୍ବିକାଇ ଅଞ୍ଚଳରେ ଗତ କିଛି ଦିନ ଧରି କୁକୁଡା ମଡକ ନଜର ଆସିଛି। ଆଜି(ମଙ୍ଗଳବାର) ପୁଣି ସେହି ଅଞ୍ଚଳରେ ଆଉ ୩ଟି କୁକୁଡା ମରିଥିବା ଦେଖିବାକୁ ମିଳିଛି। କୁକୁଡା ମଡକର କୌଣସି କାରଣ ଏଯାଏଁ ସ୍ପଷ୍ଟ ହୋଇନଥିବା ବେଳେ ଏହା ବାର୍ଡ ପ୍ଲୁଂ ହୋଇଥିବା ସନ୍ଦେହ କରୁଛନ୍ତି କୁକୁଡା ଚାଷୀ। ତୁରନ୍ତ ଏ ଦିଗରେ ପଦକ୍ଷେପ ନେବାକୁ ଚାଷୀଙ୍କ ପକ୍ଷରୁ ଦାବି କରାଯାଇଛି।
ମଙ୍ଗଳବାର ଏନେଇ ଖବରପାଇ ଜିଲ୍ଲା ସଦରମହକୁମା ପ୍ରାଣୀ ଚିକିତ୍ସାଳୟର ଉପନିର୍ଦ୍ଦେଶକ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି । ମୃତ କୁକୁଡାଙ୍କ ନମୂନା ସଂଗ୍ରହ କରି ତାକୁ ପରୀକ୍ଷା ପାଇଁ କଟକ ଫୁଲନଖରାସ୍ଥିତ ଆନିମଲ ଡିଜିଜ୍ ରିସର୍ଚ ଇନଷ୍ଟିଚ୍ୟୁଟକୁ ପଠାଯାଇଛି ।
ରିପୋର୍ଟ ଆସିବା ପରେ କୁକୁଡା ମୃତ୍ୟୁର କାରଣ ସ୍ପଷ୍ଟ ହେବ ବୋଲି ଉପନିର୍ଦ୍ଦେଶକ କହିଛନ୍ତି। ଏଥିସହିତ ଆଖପାଖ ଅଞ୍ଚଳରେ ଥିବା କୁକୁଡା ମାନଙ୍କୁ ପ୍ରତିଶେଧକ ଦିଆଯିବା ପାଇଁ ମଧ୍ୟ ବ୍ୟବସ୍ଥା କରାଯିବ ବୋଲି ସେ ପ୍ରତିଶୃତି ଦେଇଛନ୍ତି।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
