ଯାଜପୁର: ଏକ ବଡଧରଣର ଡ଼କାୟତ ଯୋଜନାକୁ ପଣ୍ଡ କଲା ପୋଲିସ । ବୁଧବାର ଏକ ବଡଧରଣର ଡ଼କାୟତ ଯୋଜନାକୁ ପଣ୍ଡ କରିବା ସହ ୬ ଜଣ ଡ଼କାୟତଙ୍କୁ ଗିରଫ କରି କୋର୍ଟ ଚାଲାଣ କରିଛି ବଡ଼ଚଣା ପୋଲିସ ।
ସେମାନଙ୍କ ନିକଟରୁ ଗୋଟିଏ ବନ୍ଧୁକ, ଛୁରୀ ଓ ବାଇକ ଜବତ କରାଯାଇଛି। ସେମାନେ ସମସ୍ତେ ଆଖପାଖ ଅଞ୍ଚଳର ବୋଲି ତଦନ୍ତରୁ ଜଣାପଡ଼ିଛି । ତେବେ ଗିରଫ ହୋଇଥିବା 6 ଡକାୟତ ହେଲେ ସରୋଜ ବେହେରା, ଦୀନବନ୍ଧୁ ଦଳେଇ, କୁନ୍ଦନ ପ୍ରସାଦ ଦାସ, ସୁବୋଧ ନାୟକ, ସ୍ବରୁପ ସାହୁ ଓ ଜୟକ୍ରିଷ୍ଣ। ଜେନା ।
୬ ଜଣ ଡକାୟତଙ୍କୁ ଗିରଫ କଲା ବଡଚଣା ପୋଲିସ
ମିଳିଥିବା ସୂଚନା ଅନୁଯାୟୀ ଏମାନଙ୍କ ନାମରେ ପୂର୍ବରୁ ବିଭିନ୍ନ ଥାନାରେ ବହୁ ମାମଲା ରହିଛି । ତେବେ ଏମାନେ ଏକ ବଡଧରଣର ଡକାୟତି କରିବା ଯୋଜନା କରୁଥିବା ବେଳେ ସେମାନଙ୍କୁ ବଡ଼ଚଣା ପୋଲିସ ଗିରଫ କରି କୋର୍ଟ ଚାଲାଣ କରିଛି ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
