ଯାଜପୁର: ପ୍ରକାଶ ପାଇଛି ଚଳିତ ବର୍ଷର OJEE (ଓଡ଼ିଶା ଯୁଗ୍ମ ପ୍ରବେଶିକା ପରୀକ୍ଷା) ରେଜଲ୍ଟ । ୧୨ଟି ବୈଷୟିକ ଓ ବୃତ୍ତିଗତ ପାଠ୍ୟକ୍ରମ ପାଇଁ ରେଜଲ୍ଟ ବାହାରିଛି । ଏଥିରେ ଓଡ଼ିଶାର ଟପ୍ପର ହୋଇଛନ୍ତି ଯାଜପୁର କୁଆଁସରପୁର ଅଞ୍ଚଳର ଅରୁପ ପଣ୍ଡା। ସେ ବି ଫାର୍ମାରେ ସାରା ଓଡ଼ିଶାର ପ୍ରଥମ ସ୍ଥାନ ହାସଲ କରିଛନ୍ତି। ଯାହାକୁ ନେଇ ପୁରା ଜିଲ୍ଲାରେ ଖୁସିର ଲହରି ଖେଳି ଯାଇଛି ।
OJEE RESULT: ବି ଫାର୍ମାରେ ଟପ୍ପର ହେଲେ ଯାଜପୁରର ଅରୁପ
ଅରୁପଙ୍କ ବାପା ଜିତେନ୍ଦ୍ରିୟ ପଣ୍ଡା ଓ ମା ଅପର୍ଣ୍ଣା ପଣ୍ଡା ଉଭୟ ଶିକ୍ଷକ । ଅରୁପ ଜଣେ ମେଧାବୀ ଛାତ୍ର । ତେବେ ଏ ସଫଳତାର ଶ୍ରେୟ ସେ ନିଜ ଅଭଭାବକ ଓ ଶିକ୍ଷକଙ୍କୁ ଦେଇଛନ୍ତି । ଏହି ସଫଳତା ପାଇଁ ସେ ଦିନକୁ ୭ରୁ ୮ ଘଣ୍ଟା ପାଠ ପଢନ୍ତି । ଭବିଷ୍ୟତରେ ଜଣେ ଭଲ ଡାକ୍ତର ହୋଇ ସମାଜସେବା କରିବେ ବୋଲି ଲକ୍ଷ୍ୟ ରଖିଛନ୍ତି । ଏହାସହ ଅନ୍ୟ ଛାତ୍ରଛାତ୍ରୀଙ୍କୁ ମଧ୍ୟ ସେ ଟିପ୍ପ ଦେଇଛନ୍ତି । କଠିନ ପରିଶ୍ରମ କରିବା ସହିତ ସୋସିଆଲ ମିଡ଼ିଆ ଠାରୁ ଦୂରେଇ ରହିବାକୁ ଅରୁପ ପରାମର୍ଶ ଦେଇଛନ୍ତି।
ଯାଜପୁର, ଇଟିଭି ଭାରତ
