ଯାଜପୁର: ପୁରୀରେ ସାମ୍ବାଦିକଙ୍କ ଉପରେ ହୋଇଥିବା ଆକ୍ରମଣ ଘଟଣା ନେଇ ପ୍ରତିବାଦ କରାଯାଇଛି । ଏନେଇ ସୋମବାର ଯାଜପୁରରେ ସାମ୍ବାଦିକ ସଂଗଠନ ଏସୟୁଜେର ଜିଲ୍ଲା ଶାଖା ପକ୍ଷରୁ ପୋଲିସ ମହାନିର୍ଦ୍ଦେଶକଙ୍କ ଉଦେଶ୍ୟରେ ଏକ ଦାବି ପତ୍ର ପ୍ରଦାନ କରାଯାଇଛି ।
ପୁରୀରେ ସାମ୍ବାଦିକଙ୍କ ଉପରେ ହୋଇଥିବା ଆକ୍ରମଣ ଘଟଣାକୁ ନେଇ ପ୍ରତିବାଦ
ସଂଗଠନର ରାଜ୍ୟ ସାଧାରଣ ସମ୍ପାଦକ କୈଳାସ ନାୟକଙ୍କ ନେତୃତ୍ବରେ ଏକ ପ୍ରତିନିଧି ଦଳ ଯାଜପୁର ଏସ ପି ଚରଣ ସିଂ ମୀନାଙ୍କୁ ଭେଟି ଏହି ଦାବିପତ୍ର ପ୍ରଦାନ କରିଛନ୍ତି। ସାମ୍ବାଦିକଙ୍କୁ ଆକ୍ରମଣ କରିଥିବା ଫରେଷ୍ଟ ଗାର୍ଡଙ୍କୁ ତୁରନ୍ତ ଗିରଫ କରିବାକୁ ଦାବି କରାଯାଇଛି।
ପଢନ୍ତୁ: ‘ପ୍ରେସ୍ ଫ୍ରିଡମ ଡେ’ରେ ସାମ୍ବାଦିକଙ୍କୁ ବନବିଭାଗ କର୍ମଚାରୀଙ୍କ ଆକ୍ରମଣ
ଏହି ପ୍ରତିନିଧି ଦଳରେ ସାମ୍ବାଦିକ ଚିନ୍ତାମଣି ପାଢ଼ୀ,ସୁବାସ ଧଳ,ସଂଦୀପ୍ତ ରାୟ ଏବଂ ଜିଲ୍ଲାର ବରିଷ୍ଠ ସାମ୍ବାଦିକ ମାନେ ସାମିଲ ହୋଇଥିଲେ। । ରବିବାର ପୁରୀରେ ବାଲୁଖଣ୍ଡ ଅଭୟାରଣ୍ୟକୁ ଖବର ସଂଗ୍ରହ କରିବାକୁ ଯାଇଥିବା ବେଳେ ସାମ୍ବାଦିକଙ୍କୁ ଆକ୍ରମଣ କରାଯାଇଥିଲା ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
