ଯାଜପୁର: ଆଜି ହେଉଛି ପବିତ୍ର ହୋଲି ପର୍ବ । ହୋଲି ପର୍ବ ନେଇ ଯାଜପୁର ଜିଲ୍ଲା କୋରେଇ ନିର୍ବାଚନ ମଣ୍ଡଳୀର ପୁରପଲ୍ଲୀରେ ଜମୁଛି ରଙ୍ଗ ଖେଳ । ବିଶେଷ ଭାବରେ ପୌର ନିର୍ବାଚନ ଥିବାରୁ ବ୍ୟାସନଗର ପୌର ପରିଷଦରେ ହୋଲିର ଉତ୍ସାହ ଲୋକମାନଙ୍କ ଭିତରେ ଦେଖିବାକୁ ମିଳିଛି । ଆଉ ଏହି ରଙ୍ଗର ପର୍ବ ହୋଲିରେ ବିଭିନ୍ନ ଦଳର ପ୍ରାର୍ଥୀମାନେ ନିଜର ୱାର୍ଡରେ ଘରକୁ ଘର ବୁଲି ହୋଲି ଶୁଭେଛା ଜଣାଇଛନ୍ତି । ଏହି ପରିପ୍ରେକ୍ଷୀରେ ବିଜେଡି ନେତା ତଥା ମୋ କଲେଜ ଅଧ୍ୟକ୍ଷ ଆକାଶ ଦାସ ନାୟକ ଓ ସାସଂଦ ଶ୍ରମିଷ୍ଠା ସେଠୀ ଜନସାଧାରଣଙ୍କୁ ହୋଲିର ଶୁଭେଚ୍ଛା ଜଣାଇଛନ୍ତି ।
କୋଭିଡର ଭୟବହତା ଭିତରେ ସମଗ୍ର ଦେଶରେ ହୋଲି ଉତ୍ସବ ପାଳନ କରାଯାଉଛି । ଆନନ୍ଦ ଉତ୍ସାହର ସହ ସଭିଏଁ ହୋଲି ପାଳନ କରୁଛନ୍ତି। ଏ ପର୍ବ ପ୍ରେମ-ଭାତୃତ୍ୱ ଓ ଭାଇଚାରର ପ୍ରତୀକ । ଆଜି ରଙ୍ଗର ପର୍ବ ହୋଲି । ଏଭଳି ବାର୍ତ୍ତା ଦେଇ ହୋଲିର ଶୁଭେଚ୍ଛା ଜଣାଇଛନ୍ତି ଓଲିଉଡ ଅଭିନେତା ତଥା ମୋ କଲେଜ ଅଧ୍ୟକ୍ଷ ଆକାଶ ଦାସ ନାୟକ ।
ଏହି ପର୍ବରେ ଲୋକମାନେ ରାଧା ଦାମୋଦରଙ୍କୁ ସୁସଜ୍ଜିତ ବିମାନରେ ବସାଇ ଘରକୁ ଘର ବୁଲିଥାନ୍ତି । ତେବେ କୋଭିଡର ପ୍ରାଦୁର୍ଭାବ କମିଥିଲେ ମଧ୍ୟ କୋଭିଡ ସମ୍ପୂର୍ଣ୍ଣ ରୂପେ କମିନାହିଁ । ତେଣୁ ସାଂସଦ ଶର୍ମିଷ୍ଠା ସେଠୀ ସମସ୍ତଙ୍କୁ ସତର୍କତାର ସହ ହୋଲି ପାଳନ କରିବାକୁ ପରାମର୍ଶ ଦେଇଛନ୍ତି ।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
