ଯାଜପୁର: କୋରେଇ ଥାନା ନୂଆଗଡ଼ ଗୋଳେଇ ଛକରେ ଅଜଣା ଗାଡି ଧକ୍କାରେ ଯୁବକ ମୃତ । ମୃତକ ପାଟରଙ୍ଗା ଗାଁର କ୍ଷୀରୋଦ କୁମାର ବେହେରା ବୋଲି ଜଣାପଡିଛି । ସୂଚନା ମୁତାବକ ମୃତକ କ୍ଷୀରୋଦ ଯାଜପୁର ରୋଡରେ ଏକ ଗ୍ୟାରେଜ ଦୋକାନ ଦେଇଥିଲେ। ସେ ପ୍ରତିଦିନ ପରି ନିଜର କାମ ସାରି ଶୁକ୍ରବାର ଅପରାହ୍ନରେ ନିଜ ଘରକୁ ଫେରିଥିଲେ । ହେଲେ ହଠାତ୍ ନୂଆଗଡ଼ ସ୍ଥିତ ଗୋଲେଇ ଛକରେ ଏକ ଅଜଣା ଗାଡି ତାଙ୍କୁ ଧକ୍କା ଦେଇ ପଳେଇଥିଲା।
ଅଜଣା ଗାଡି ଧକ୍କାରେ ଯୁବକ ମୃତ
ତେବେ ଦୁର୍ଘଟଣାକୁ ଦେଖି ଯାଜପୁର ରୋଡ ଅଗ୍ନିଶମ ଅଧିକାରୀ ସୌରଭ ରାଉତ ଓ ତାଙ୍କ କର୍ମଚାରୀ ମାନେ ଏକ ଆମ୍ବୁଲାନ୍ସ ଯୋଗେ ଚିକିତ୍ସା ପାଇଁ ଯାଜପୁର ରୋଡ ସ୍ବାସ୍ଥ୍ୟକେନ୍ଦ୍ରକୁ ନେଇ ଆସିଥିଲେ ସେଠାରେ ଡାକ୍ତର ପ୍ରାଥମିକ ଚିକିତ୍ସା ପରେ ତାଙ୍କୁ ମୃତ ଘୋଷଣା କରିଥିଲେ।
ପ୍ରକାଶ ଥାଉକି ମୃତ କ୍ଷୀରୋଦ କୁମାର ବେହେରାଙ୍କ ଘର ହେଉଛି କୋରେଇ ଥାନା ପାଟରଙ୍ଗା ଗାଁରେ। ସେପଟେ କୋରେଇ ଥାନା ପୋଲିସ ଘଟଣା ସ୍ଥଳରେ ପହଞ୍ଚି ଦୁର୍ଘଟଣା ସମ୍ପର୍କରେ ତଦନ୍ତ ଆରମ୍ଭ କରିଛି।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
