ଯାଜପୁର: ନଦୀରେ ବୁଡି ଯାଇ ସ୍କୁଲ ଛାତ୍ରର ମୃତ୍ୟୁ । ଯାଜପୁର ସଦର ଥାନା ଅନ୍ତର୍ଗତ ମଇଦପୁର ଗାଁ ବୁଢା ନଦୀରେ ବୁଡି ଯାଇ ଛାତ୍ରଙ୍କ ମୃତ୍ୟୁ ହୋଇଛି । ମୃତ ଛାତ୍ର ହେଲେ ଗୋବିନ୍ଦ ବେହେରାଙ୍କ ପୁଅ ସୁରଞ୍ଜନ ।
ନଦୀରେ ବୁଡି ଛାତ୍ର ମୃତ
ତେବେ ସେ ସର୍ବମଙ୍ଗଳା ପ୍ରାଥମିକ ବିଦ୍ୟାଳୟର ତୃତୀୟ ଶ୍ରେଣୀର ଛାତ୍ର । ସେ ଆଜି ଗାଧୋଇବା ପାଇଁ ନଦୀକୁ ଯାଇଥିଲେ । ତେବେ ଗାଧୋଇବା ବେଳେ ତାଙ୍କ ଗୋଡ଼ ଖସିଯିବା କାରଣରୁ ସେ ବୁଡି ଯାଇଥିଲେ । ଖବର ପାଇ ସ୍ଥାନୀୟ ଗ୍ରାମବାସୀ ଖୋଜାଖୋଜି କରିବା ପରେ ତାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ଜିଲ୍ଲା ମୁଖ୍ୟ ଡାକ୍ତରଖାନାରେ ଭର୍ତ୍ତି କରିଥିଲେ ।
ଅପରପକ୍ଷେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଏନେଇ ସ୍ଥାନୀୟ ଥାନାରେ ଏକ ଅପମୃତ୍ୟୁ ମାମଲା ରୁଜୁ ହୋଇଛି ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
