ଯାଜପୁର: ଜିଲ୍ଲାର ଅଧିଷ୍ଠାତ୍ରୀ ଦେବୀ ମା ବିରଜାଙ୍କ ତିନିଗୋଟି ହୁଣ୍ଡିକୁ ଖୋଲାଯାଇଛି । ତିନିଟି ହୁଣ୍ଡିରୁ ପ୍ରାୟ 4ଲକ୍ଷ 5ହଜାର 9ଶହ ଟଙ୍କା ମିଳିଛି ।
୪ଲକ୍ଷ ୫ହଜାର ୯ଶହ ଦାନ ଟଙ୍କା
ବୁଧବାର ପୂର୍ବାହ୍ନରେ ମା ବିରଜାଙ୍କ ମନ୍ଦିରର ତିନୋଟି ହୁଣ୍ଡି ଖୋଲାଯାଇଥିଲା । ଉପଜିଲ୍ଲାପାଳ ତଥା ମନ୍ଦିରର ମ୍ୟାନେଜିଂ ଟ୍ରଷ୍ଟି ଜ୍ୟୋତି ଶଙ୍କର ମହାପାତ୍ରଙ୍କ ଉପସ୍ଥିତରେ ଏହି ହୁଣ୍ଡି ଖୋଲା ଯାଇ ଟଙ୍କା ଗଣନା କରାଯାଇଥିଲା। ଏଥିରୁ ମୋଟ ୪ ଲକ୍ଷ ୫ ହଜାର ୯ଶହ ଟଙ୍କା ଦାନ ଆକାରରେ ପ୍ରାପ୍ତ ହୋଇଛି ବୋଲି ଟ୍ରଷ୍ଟି ବୋର୍ଡ଼ ସଦସ୍ୟ ଅନୁପ କୁମାର ବେହେରା ସୂଚନା ଦେଇଛନ୍ତି। ଏହି ଗଣତି ସମୟରେ ମା ବିରଜାଙ୍କ ଟ୍ରଷ୍ଟି ବୋର୍ଡ଼ର ଅନେକ ସଦସ୍ୟ ଉପସ୍ଥିତ ଥିଲେ ।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
