ଯାଜପୁର: ଦୁଇ ସାହି ମଧ୍ୟରେ ଝଗଡ଼ାରୁ ତୁମୁଳକାଣ୍ଡ । ଗୋଷ୍ଠୀ ସଂଘର୍ଷରେ 4 ଗୁରୁତର ହୋଇଛନ୍ତି । ସମସ୍ତ ଗୁରୁତରଙ୍କୁ ମେଡିକାଲରେ ଭର୍ତ୍ତି କରାଯାଇଛି । ଘଟଣାସ୍ଥଳରେ ୧ ପ୍ଲାଟୁନ ପୋଲିସ ଫୋର୍ସ ମୁତୟନ କରାଯାଇଛି । ଏହାସହ ଅଧିକ ତଦନ୍ତ ଜାରି ରଖିଛି ପୋଲିସ ।
ଗୋଷ୍ଠୀ ସଂଘର୍ଷରେ 4 ଗୁରୁତର
ସୂଚନାନୁସାରେ, ଯାଜପୁର ଟାଉନ ବଲଭିଘାଟ ଛକ ନିକଟରେ ସାନବଜାର ଓ ନାଉରିଆ ସାହି ମଧ୍ୟରେ ମଧ୍ୟରେ ପ୍ରଥମେ ଝଗଡା ହୋଇଥିଲା । ପରେ ଏହା ଉଗ୍ର ରୂପ ନେଇଥିଲା । ବିଳମ୍ବିତ ରାତ୍ରିରେ କିଛି ଉତ୍ତ୍ୟକ୍ତ ଲୋକେ ବଲଭିଘାତ ନିକଟରେ ଥିବା ଦଶରୁ ଅଧିକ ଦୋକାନକୁ ଭଙ୍ଗି ଦେଇଥିଲେ । ଏହସହ କିଛି ଘରୁଗୁଡିକୁ ମଧ୍ୟ ଭଙ୍ଗି ଦେଇଥିବା ଅଭିଯୋଗ ହୋଇଛି । ତେବେ ଘଟଣାସ୍ଥଳରେ ଯାଜପୁର ଟାଉନ ପୋଲିସ ପହଞ୍ଚିବା ପରେ ଉତ୍ତ୍ୟକ୍ତ ଲୋକେ ସ୍ଥାନ ଛାଡି ପଳାଇଯାଇଥିଲେ ।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
