ଯାଜପୁର: ରାଜ୍ୟରେ ଦିନକୁ ଦିନକୁ ଦିନ ବଢିବାରେ ଲାଗିଛି ନିଶା କାରବାର । ଯାଜପୁର ରୋଡ ଅବକାରୀ ବିଭାଗ ପକ୍ଷରୁ ରାଣୀପଡା ଛକରେ ଚଢ଼ାଉ । ୧୮୦ ଲିଟର ଦେଶୀ ମଦ ସହିତ ବାଇକ ଜବତ କରାଯାଇଛି । ଏ ଘଟଣାରେ ୪ ଅଭିଯୁକ୍ତଙ୍କୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି । ସୂଚନା ଅନୁସାରେ, ରାଣୀପଡା ଛକ ଦେଇ ୩ଟି ବାଇକରେ ଦେଶୀ ମଦ ଆସୁଥିବା ବିଶେଷ ସୂତ୍ରରୁ ଖବର ପାଇଥଲା ଅବକାରୀ ବିଭାଗ ।
୧୮୦ ଲିଟର ଦେଶୀ ମଦ ସହ ବାଇକ ଜବତ: 4 ଅଭିଯୁକ୍ତଙ୍କୁ କରାଗଲା କୋର୍ଟ ଚାଲାଣ
ଅବକାରୀ ବିଭାଗର ଏକ ଟିମ ଯାଜପୁର ରୋଡ ଥାନା ରାଣୀପଡା ଛକରେ ଚଢ଼ାଉ କରିଥିଲେ। ଏହି ଚଢ଼ାଉରେ ସୋଲେଇ ଗାଁର ଅନୀଲ ବେହେରା, ରାଣୀପଡା ଗାଁର ହୁର୍ସିକେଶ ନନ୍ଦି, ନୂଆଗାଁର ଟୁକୁନା ମଳିକ ଓ ବଳରାମ ମଳିକକୁ ଗିରଫ କରିଥିଲା ଅବକାରୀ ବିଭାଗ । ଶୁକ୍ରବାର ଅଭିଯୁକ୍ତଙ୍କୁ କୋଭିଡ ଟେଷ୍ଟ ପରେ କୋର୍ଟ ଚାଲାଣ କରାଯାଇଥିବା ଜଣାପଡ଼ିଛି ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
