ଯାଜପୁର: ଜିଲ୍ଲାର ଦଶରଥପୁର ବ୍ଳକ ଲାଲବାଗ ଗାଁରେ ଅଗ୍ନିକାଣ୍ଡ । ଅଗ୍ନିକାଣ୍ଡରେ 2 ବଖରା ଘର ସମ୍ପୂର୍ଣ୍ଣ ଜଳିପଡି ପାଉଁଶ ହୋଇଯାଇଥିବା ଜଣାପଡିଛି । ଏହି ଅଗ୍ନିକାଣ୍ଡରେ ସ୍କୁଟି ଓ ସାଇକେଲ ମଧ୍ୟ ପୋଡି ପାଉଁଶ ହୋଇଯାଇଛି ।
ପୂର୍ବଶତ୍ରୁତାରୁ ଅଗ୍ନିକାଣ୍ଡ! ଜଳିଗଲା 2 ବଖରା ଘର
ଗାଁର ଗୋଲେଖ ମଲ୍ଲିକଙ୍କ ଘରେ ହଠାତ୍ ନିଆଁ ଲାଗିଯାଇଥିଲା । ଅଗ୍ନିକାଣ୍ଡର ପ୍ରକୃତ କାରଣ ଏ ଯାଏଁ ଜଣାପଡିନାହିଁ । କିନ୍ତୁ ଘଟଣାର ତଦନ୍ତ କରାଗଲେ ପ୍ରକୃତ ସତ୍ୟାସତ୍ୟ ପଦାକୁ ଆସିବ ବୋଲି ଚର୍ଚ୍ଚା ହେଉଛି । ପୂର୍ବ ଶତୃତାକୁ ନେଇ ଅଗ୍ନିକାଣ୍ଡ ଘଟିଥିବା ଅଭିଯୋଗ କରିଛନ୍ତି ପରିବାର ଲୋକେ ।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
