ଯାଜପୁର: ସୁକିନ୍ଦା ବନ ବିଭାଗ ଅନ୍ତର୍ଗତ ଭାଲୁକିପାତଳା ଗାଁରୁ 12 ଫୁଟର ଅଜଗର ସାପ ଉଦ୍ଧାର ହୋଇଛି । ଆଜି(ରବିବାର) ସକାଳେ ଉକ୍ତ ଗ୍ରାମର ଜୈନିକ ବ୍ୟକ୍ତିଙ୍କ ଘର ପାର୍ଶ୍ଵରେ ଏହି ସାପକୁ ଦେଖି ଗ୍ରାମବାସୀ ଭୟଭୀତ ହୋଇଯାଇଥିଲେ । ସଙ୍ଗେସଙ୍ଗେ ସ୍ନେକ ହେଲ୍ପଲାଇନ ସଦସ୍ୟ ମିହିର ଚନ୍ଦ୍ର ପାତ୍ରଙ୍କୁ ଖବର ଦେଇଥିଲେ ।
12 ଫୁଟ ଲମ୍ବର ଅଜଗର ଉଦ୍ଧାର
ମିହିର ଖବର ପାଇ ତାଙ୍କର ସହଯୋଗୀ ସହାୟତାରେ ଘଟଣା ସ୍ଥଳରୁ 12 ଫୁଟର ଲମ୍ବର ଅଜଗର ସାପଟିକୁ ଉଦ୍ଧାର କରିଥିଲେ । ଏହାପରେ ସୁକିନ୍ଦା ବନ ବିଭାଗ ସହଯୋଗରେ ସ୍ଥାନୀୟ ମହାଗିରୀ ଜଙ୍ଗଲରେ ସାପଟିକୁ ଛାଡି ଦିଆଯାଇଥିବା ନେଇ ସୂଚନା ଦେଇଛନ୍ତି ସ୍ନେକ ହେଲ୍ପଲାଇନ ସଦସ୍ୟ ।
ଇଟିଭି ଭାରତ, ଯାଜପୁର
