ପାରାଦ୍ବୀପ: ଭାଇ ଭଉଣୀଙ୍କୁ କିନ୍ନରଙ୍କ ଆକ୍ରମଣ ଅଭିଯୋଗରେ କଟକ, ପାରାଦୀପ ଦୋଛକି ନିକଟରେରେ ଉତ୍ତେଜନା l ଗାଡି ମୋଟର ବନ୍ଦ କରି ରାସ୍ତାରେ ଟାୟାର ଜାଳି ରାସ୍ତା ଅବରୋଧ କଲେ ସାଧାରଣ ଜନତା l ସୂଚନା ଅନୁଯାୟୀ ଶୁକ୍ରବାର ରାତି ପାଖାପାଖି 8 ଟା ସମୟରେ କୁଜଙ୍ଗ ବଡ଼ବନ୍ଧ ଗ୍ରାମର କିଛି ଯୁବକ, ଯୁବତୀ ପାରାଦୀପ ଲାଇଟହାଉସ ନିକଟରେ ନିଜର ଜନ୍ମଦିନ ପାଳନ କରି ଫେରୁଥିବା ସମୟରେ କଟକ ପାରାଦୀପ ରାଜପଥ ଦୋଛକି ନିକଟରେ କିନ୍ନରମାନେ ଜଣେ ଯୁବକଙ୍କ ବାଇକ ଅଟକାଇ ପଇସା ମାଗିଥିଲେ ଏବଂ ପଇସା ନ ଦେବାରୁ ଯୁବକଙ୍କୁ ମାଡ଼ ମାରିଥିଲେ l
ତେବେ ପଛରେ ଆସୁଥିବା ଯୁବକଙ୍କ ଭଉଣୀ ଏହା ଦେଖି ପ୍ରତିରୋଧ କରିବାରୁ କିନ୍ନରମାନେ ସମସ୍ତଙ୍କୁ ରାସ୍ତାରେ ଗୋଡ଼ାଇ ଗୋଡ଼ାଇ ବାଡେଇଥିବା ନେଇ ଯୁବତୀମାନେ ଅଭିଯୋଗ କରିଛନ୍ତି । ଏନେଇ ଘଟଣା ସ୍ଥଳରେ ଉତ୍ତେଜନା ଲାଗିରହିବା ସହିତ ଟାୟାର ଜାଳି ଉତ୍ୟକ୍ତ ଜନତା ରାସ୍ତା ଅବରୋଧ କରିଥିଲେ l ସୂଚନାପାଇ ଲକଥନା ପୋଲିସ ପହଞ୍ଚି ଉତ୍ୟକ୍ତ ଲୋକଙ୍କୁ ବୁଝାସୁଝା କରିଥିଲେ।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ
