ଜଗତସିଂହପୁର: ଏକ ବଡ ଚୋରା ବାଇକ ରାକେଟ ପର୍ଦ୍ଦାଫାସ କରିବାରେ ସଫଳ ହୋଇଛି ଜଗତସିଂହପୁର ସଦର ପୋଲିସ । ସେହି ରାକେଟର 4 ଜଣଙ୍କୁ ପୋଲିସ ଗିରଫ କରିବାରେ ସମର୍ଥ ହୋଇଥିବା ବେଳେ ଅନ୍ୟ 2ଜଣ ଫେରାର ହୋଇଯାଇଛନ୍ତି।
ବାଇକ ରାକେଟ ପର୍ଦାଫାସ
ଗତ 5 ଦିନ ତଳେ ମେଡିକାଲ ନିକଟ ବାଇକ ଷ୍ଟାଣ୍ଡରୁ କ୍ରମାଗତ ଭାବେ 3ଟି ବାଇକ ଚୋରି ହୋଇ ଯାଇଥିଲା। ଏ ସଂକ୍ରାନ୍ତରେ ଜଗତସିଂହପୁର ପୋଲିସ ନିକଟରେ ଅଭିଯୋଗ ହେବାପରେ ପୋଲିସ ତଦନ୍ତ ଆରମ୍ଭ କରିଥିଲା। ଗତକାଲି(ଶୁକ୍ରବାର) ସଂନ୍ଧ୍ୟାରେ ସ୍ଥାନୀୟ କଲେଜ ଛକ ନିକଟରୁ ଜଣେ ଯୁବକ ଏକ ବାଇକ ଚୋରି କରିବା ସମୟରେ ପୋଲିସ ତାକୁ କାବୁ କରିବା ସହ ପଚାରଉଚରା କରିଥିଲା।
ଏଥିରୁ ଏକ ରାକେଟ କାମ କରୁଥିବା ପୋଲିସ ଜାଣିବାକୁ ପାଇଥିଲା। ପରେ ବିଭିନ୍ନ ସ୍ଥାନରେ ଚଢ଼ାଉ କରି 8 ଟି ଚୋରା ବାଇକ ଜବତ କରିବା ସହ 4 ଜଣଙ୍କୁ ଗିରଫ କରିଛି। ଏହି ରାକେଟରେ ଥିବା ଅନ୍ୟ 2 ଜଣ ଫେରାର ଥିବା ପୋଲିସ କହିଛି।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ
