ଜଗତସିଂହପୁର: ଶିଶୁର କିଡ୍ନୀ ଦାନ ଘଟଣାକୁ ନେଇ ପ୍ରଶ୍ନ ଉଠାଇଲେ ସୁପ୍ରିମକୋର୍ଟ ଆଇନଜୀବୀ । ବାଲିକୁଦା ବ୍ଲକ ଅନ୍ତର୍ଗତ ଇଶ୍ବରପୁର ଗ୍ରାମର ସୋମ୍ୟରଞ୍ଜନ ଲେଙ୍କାଙ୍କ ୬ ବର୍ଷର ଶିଶୁପୁତ୍ର ସୁଧାଂଶୁଙ୍କ ବ୍ରେନ ଡେଡ଼୍ ପରେ ଅଙ୍ଗଦାନ ଘଟଣାକୁ ନେଇ ପ୍ରଶ୍ନ ଉଠାଇଛନ୍ତି ସୁପ୍ରିମକୋର୍ଟର ବରିଷ୍ଠ ଆଇନଜୀବୀ ଡ. ସୁଶାନ୍ତ କାନୁନଗୋ । ସେ ଅଭିଯୋଗ କରିଛନ୍ତି ଯେ, ବାଲିକୁଦା ଅଞ୍ଚଳର ଏହି ଶିଶୁଟିର ଅଙ୍ଗଦାନ କରାଯିବାକୁ ନେଇ ସଠିକ ନିୟମ ପାଳନ କରାଯାଇଛି କି ନାହିଁ ଏହାର ତଦନ୍ତ ହେବା ଉଚିତ୍ ।
ଶିଶୁପୁତ୍ରର କିଡ୍ନୀ ଦାନ ଘଟଣାକୁ ନେଇ ପ୍ରଶ୍ନ ଉଠାଇଲେ ସୁପ୍ରିମକୋର୍ଟ ଆଇନଜୀବୀ
ଏହାକୁ ନେଇ ସେ ଜାତୀୟ ମାନବାଧିକାର କମିଶନଙ୍କ ଦୃଷ୍ଟି ଆକର୍ଷଣ କରିବେ ବୋଲି କହିଛନ୍ତି । ସେ ଆହୁରି ପ୍ରଶ୍ନ ଉଠାଇଛନ୍ତି ଯେ, "୬ ବର୍ଷର ଶିଶୁ ଠାରୁ ଅଙ୍ଗ କାଢ଼ିବାବେଳେ CWCର ଅନୁମତି ଆବଶ୍ୟକ ପଡିଥାଏ, ତାହା ନିଆ ଯାଇଛି କି ? ଶିଶୁର ପିତାମାତା SCB ମେଡିକାଲରେ କିଡ୍ନୀ ଦାନ କରିଥିଲେ । ମାତ୍ର କ'ଣ ପାଇଁ ଘରୋଇ ହସ୍ପିଟାଲରେ ଏହାକୁ ପ୍ରତ୍ୟାରୋପଣ କରାଗଲା ?"
ଇଟିଭି ଭାରତ, ଜଗତସିଂହପୁର
