ଜଗତସିଂହପୁର : ଜିଲ୍ଲାରେ ରାଜ୍ୟ ଅଭିଭାବକ ମହାସଂଘ ପକ୍ଷରୁ ଏକ ସାମ୍ବାଦିକ ସମ୍ମିଳନୀ କରାଯାଇଛି । ରାଜ୍ୟରେ ପଞ୍ଚାୟତ ନିର୍ବାଚନରେ ପ୍ରାର୍ଥୀ ହୋଇଥିବା ବ୍ୟକ୍ତିମାନେ ମୌଳିକ ଶିକ୍ଷାକୁ ନେଇ ଲିଖିତ ସତ୍ୟପାଠ ଦେବାକୁ ଦାବି କରିଛି ସଂଘ । ମହାସଂଘର ରାଜ୍ୟ ସଭାପତି ବାସୁଦେବ ଭଟ୍ଟ କହିଛନ୍ତି ଯେ ରାଜ୍ୟରେ ପ୍ରତ୍ୟେକ ପଞ୍ଚାୟତ ସ୍ତରରେ ମୌଳିକ ଶିକ୍ଷାକୁ ନେଇ ପଞ୍ଚାୟତ ପ୍ରତିନିଧିମାନେ ଗୁରୁତ୍ୱ ଦେବାର ଆବଶ୍ୟକତା ରହିଛି।
ଏଥିପାଇଁ ପଞ୍ଚାୟତ ପ୍ରତିନିଧିମାନେ ନିର୍ବାଚନ ସମୟରେ ଲୋକଙ୍କୁ ଲିଖିତ ପ୍ରତିଶ୍ରୁତି ଦେବାକୁ ଦାବି କରିଛନ୍ତି। ରାଜ୍ୟରେ ସରକାରୀ ସ୍କୁଲ ବନ୍ଦ ଓ ମିଶ୍ରଣ ଦ୍ୱାରା ଗମନାଗମନର ଦୂରତ୍ୱ ବଢି ଯାଉଛି । ଫଳରେ ପିଲାମାନେ ଶିକ୍ଷାଦାନରୁ ବଞ୍ଚିତ ହେଉଛନ୍ତି ।
ଏହାବି ପଢନ୍ତୁ :Rapid Antigen Test kit: ଓଡିଶାର ପ୍ରଥମ ଆଣ୍ଟିଜେନ୍ ଟେଷ୍ଟ କିଟ୍କୁ ICMRର ଅନୁମୋଦନ
ଶିକ୍ଷା ଅଧିକାର ଆଇନ ଅନୁସାରେ ଘରୋଇ ସ୍କୁଲ ରେ 25%ସିଟ ଗରିବ, ଅନଗ୍ରସର ଜାତି ଓ ଜନ ଜାତି ପାଇଁ ମାଗଣାରେ ପାଠ ପଢିବାକୁ ନିୟମ ରହିଛି । ହେଲେ ଏହାକୁ ଘରୋଇ ସ୍କୁଲ କର୍ତ୍ତୃପକ୍ଷମାନେ ପାଳନ କରୁନାହାନ୍ତି। ସେଥିପ୍ରତି ପଞ୍ଚାୟତ ପ୍ରତିନିଧିଙ୍କ ଠାରୁ ଆରମ୍ଭ କରି ପୌର ପରିଷଦର ପ୍ରତିନିଧି ମାନେ ଦୃଷ୍ଟି ଦେବାର ଆବଶ୍ୟକତା ରହିଛି। ଯେପରି ପିଲାମାନେ ଶିକ୍ଷାରୁ ବଞ୍ଚିତ ନ ହେବେ ସେଥିପାଇଁ ପ୍ରତ୍ୟକ ଦଳର କର୍ମକର୍ତ୍ତା ଓ ପ୍ରାର୍ଥୀମାନେ ଲୋକଙ୍କ ପାଖରେ ସତ୍ୟପାଠ ରଖିବାକୁ ସେ ଦାବି କରିଛନ୍ତି ।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର,ଇଟିଭି ଭାରତ
