ଜଗତସିଂହପୁର: ଜିଲ୍ଲାରେ ଜଳ ନିଷ୍କାସନ ବ୍ୟବସ୍ଥା ସୁଗମ ହେବ । ଡ୍ରେନେଜ ସମସ୍ୟାରେ ଲୋକଙ୍କୁ ଆଉ ସମସ୍ୟା ଭୋଗିବାକୁ ପଡିବ ନାହିଁ । ବର୍ଷାଦିନେ ହେଉଥିବା ଜଳ ନିଷ୍କାସନ ସମସ୍ୟା ଏଥର ଦୂର ହେବ । ଜଗତସିଂହପୁର ଜିଲ୍ଲାର 8ବ୍ଲକ ମଧ୍ୟରୁ ରଘୁନାଥପୁର, ବାଲିକୁଦା, ଏରସମା ଓ କୁଜଙ୍ଗ ଆଦି ବ୍ଲକରେ ବର୍ଷାଦିନେ ଜଳ ନିଷ୍କାସନରେ ବାଧା ସୃଷ୍ଟି ହୋଇଥାଏ । ଫଳରେ ହଜାର ହଜାର ହେକ୍ଟର ଚାଷଜମି ଜଳାର୍ଣ୍ଣବ ହୋଇ ଫସଲ ନଷ୍ଟ ହେବାସହ ଧାନ ଚାଷ ବହୁଳ ମାତ୍ରାରେ ପ୍ରଭାବିତ ହୋଇଥାଏ । ଯାହାକୁ ନେଇ ଚାଷୀମାନଙ୍କ ମଧ୍ୟରେ ଦୀର୍ଘଦିନର ଅସନ୍ତୋଷ ରହି ଆସିଛି ।
ସେହିଭଳି ସଠିକ ଜଳ ନିଷ୍କାସନ ନ ହେବାରୁ ତଳିଆ ଅଞ୍ଚଳର ଲୋକେ ବର୍ଷାଦିନେ ଜଳବନ୍ଦୀ ହୋଇ ରହିଥାନ୍ତି । ଏହାର ସ୍ଥାୟୀ ପ୍ରତିକାର କରିବା ପାଇଁ ରାଜ୍ୟ ସରକାରଙ୍କ ପକ୍ଷରୁ ତତ୍ପରତା ପ୍ରକାଶ ପାଇଛି । ଜିଲ୍ଲାରେ ସଠିକ ଜଳ ନିଷ୍କାସନ ନିମନ୍ତେ 2200 ଶହ କୋଟି ଟଙ୍କାର ବ୍ୟୟ ବରାଦ କରାଯାଇଛି ।
ଖାଲି ଜଗତସିଂହପୁର ଜିଲ୍ଲା ନୁହେଁ ରାଜ୍ୟର ଅନ୍ୟ 9ଟି ଉପକୂଳବର୍ତ୍ତୀ ଜିଲ୍ଲାରେ ସଠିକ ଜଳ ନିଷ୍କାସନ 2200 ଶହ କୋଟି ଟଙ୍କାର ବ୍ୟୟ ବରାଦ କରାଯାଇଛି । ଜିଲ୍ଲାରେ 1250 କିଲୋମିଟର ଡ୍ରେନ ନିର୍ମାଣ ପାଇଁ ବ୍ଲୁ ପ୍ରିଣ୍ଟ ପ୍ରସ୍ତୁତ କରାଯାଇଥିବା ବେଳେ ଏହା କାର୍ଯ୍ୟକାରୀ ହେଲେ 19342 ହେକ୍ଟର ଚାଷଜମି ପୁନଃରୁଦ୍ଧାର ହୋଇପାରିବ ।
ଜଗତସିଂହପୁର ଜିଲ୍ଲାରେ ଜଳ ନିଷ୍କାସନ ସମସ୍ୟା ଯୋଗୁଁ ବିଭିନ୍ନ ସମୟରେ ଫସଲ ହାନି ହୋଇଥାଏ । ଏହା କାର୍ଯ୍ୟକାରୀ ହେଲେ ଜିଲ୍ଲାରେ ଧାନ ଚାଷ ଠାରୁ ଆରମ୍ଭ କରି ପନିପରିବା ଚାଷର ଉତ୍ପାଦନ ବୃଦ୍ଧି ପାଇବ । ସେହିପରି ଅଳକା ନଦୀ ପଥ ଖୁବଶୀଘ୍ର ଜବରଦଖଲ ମୁକ୍ତ କରାଯାଇ ଜଳ ନିଷ୍କାସନ କ୍ଷମତା ବୃଦ୍ଧି କରାଯିବାକୁ ବ୍ୟବସ୍ଥା କରାଯାଉଥିବା ଜଗତସିଂହପୁର ବିଧାୟକ ତଥା ସରକାରୀ ମୁଖ୍ୟ ସଚେତକ ପ୍ରଶାନ୍ତ ମୁଦୁଲି ଏକ ପ୍ରେସ ଇସ୍ତାହାରରେ କହିଛନ୍ତି । ଜଗତସିଂହପୁର ଜିଲ୍ଲା ବ୍ୟତୀତ କେନ୍ଦ୍ରାପଡା, ବାଲେଶ୍ବର, ଭଦ୍ରକ, କଟକ, ନୟାଗଡ, ଯାଜପୁର, ଖୋର୍ଦ୍ଧା ଆଦି ଜିଲ୍ଲାର ଡ୍ରେନେଜ ଉନ୍ନତୀକରଣ ପାଇଁ ପାଇଁ 22ଶହ କୋଟି ବ୍ୟୟ ବରାଦ ହୋଇଛି ।
ଏହା ବି ପଢନ୍ତୁ...Fertilizer Project Dispute: ପାଚେରୀ ନିର୍ମାଣକୁ ବିରୋଧ, ପୋଲିସ-ଗ୍ରାମବାସୀ ମୁହାଁମୁହିଁ
ଉପକୂଳବର୍ତ୍ତୀ ଜିଲ୍ଲାରେ ଜଳ ନିଷ୍କାସନ ନହେବା କାରଣରୁ ବହୁ ଚାଷୀଙ୍କୁ ସେମାନଙ୍କ ଫସଲ ହରାଇବାକୁ ପଡିଥାଏ । ଏହାର ସମାଧାନ ପାଇଁ ରାଜ୍ୟ ସରକାର 22 ଶହ କୋଟି ଟଙ୍କା ବ୍ୟୟରେ 9ଟି ଜିଲ୍ଲାରେ ଜଳ ନିଷ୍କାସନ ପାଇଁ ବ୍ୟବସ୍ଥା କରିଥିବା କୁହାଯାଇଛି। ଡ୍ରେନେଜ ସମସ୍ୟା ପାଇଁ ସମସ୍ୟା ଭୋଗୁଥିବା ଚାଷୀ ଓ ଯାତାୟତରେ ସମସ୍ୟା ଭୋଗୁଥିବା ଲୋକଙ୍କ ସମସ୍ୟାକୁ ଗୁରୁତ୍ବ ଦେଇ ରାଜ୍ୟ ସରକାର ଦୃଷ୍ଟି ଦେଇଥିବାରୁ ଏ ନେଇ ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଜଣାଇଛନ୍ତି ବିଧାୟକ ତଥା ସରକାରୀ ମୁଖ୍ୟ ସଚେତକ ପ୍ରଶାନ୍ତ ମୁଦୁଲି ଓ ସାଂସଦ ରାଜଶ୍ରୀ ମଲ୍ଲିକ । ।
ଇଟିିଭି ଭାରତ, ଜଗତସିଂହପୁର
