ଜଗତସିଂହପୁର: ନିର୍ବାଚନୀ ପ୍ରଚାର ପାଇଁ ଜଣକ ପରେ ଜଣେ ବିଜେପିର ହେଭିୱେଟ ନେତା ଓଡିଶା ମୈଦାନରେ ପାଦ ଦେଉଛନ୍ତି । ପ୍ରଥମେ ଅମିତ ଶାହ ଓଡିଶା ଆସି ବିଜେପି ପ୍ରାର୍ଥୀଙ୍କ ପାଇଁ ନିର୍ବାଚନୀ ପ୍ରଚାର କରିଥିବାବେଳେ ମଙ୍ଗଳବାର କଳାହାଣ୍ଡି ଗସ୍ତରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓଡିଶା ଆସି ରାଜ୍ୟ ସରକାର ଓ କଂଗ୍ରେସ ଉପରେ ବର୍ଷିଛନ୍ତି । ଏହି କ୍ରମରେ ମଙ୍ଗଳବାର ମଧ୍ୟ ମଧ୍ୟପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ତଥା ବିଜେପି ରାଷ୍ଟ୍ରୀୟ ଉପସଭାପତି ଶିବରାଜ ସିଂ ଚୌହ୍ୱାନ ଓଡିଶା ଗସ୍ତରେ ଆସିଥିଲେ ।
ଗସ୍ତ ସମୟରେ ଜଗତସିଂହପୁର ଜିଲ୍ଲାରେ ଅନୁଷ୍ଠିତ ବିଜେପିର ବିଜୟ ସଂକଳ୍ପ ସମାବେଶରେ ସେଯୋଗ ଦେଇଥିଲେ । ତିର୍ତ୍ତୋଲ ନିର୍ବାଚନ ମଣ୍ଡଳୀ ଅନ୍ତର୍ଗତ ରେଢୁଆ ହାଟ ପଡିଆରେ ଏହି ସମାବେଶ ଅନୁଷ୍ଠିତ ହୋଇଥିଲା । ଆୟୋଜିତ ସମାବେଶରେ ଶିବରାଜ ଦଳର ସ୍ଥାନୀୟ ବିଜେପି ବିଧାୟକ ପ୍ରାର୍ଥୀ ରମାକାନ୍ତ ଭୋଇଙ୍କ ପାଇଁ ପ୍ରଚାର କରିଥିଲେ।
ଏହା ସହିତ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଟାର୍ଗେଟ କରି ତାଙ୍କ ବିରୋଧରେ ବିଷ ଓଗାଳିଥିଲେ । କଳାହାଣ୍ଡି କୁନ୍ଦୁଲି ଦୁଷ୍କର୍ମ, କୋରାପୁଟ ଅନାହାର ମୃତ୍ୟୁ, ଚାଷୀ ଆତ୍ମହତ୍ୟା ଆଦି ଘଟଣାକୁ ନେଇ ରାଜ୍ୟ ସରକାରଙ୍କୁ ଟାର୍ଗେଟ କରିଥିଲେଶିବରାଜ। ଖାଲି ସେତିକି ନୁହେଁ ନବୀନ ସରକାରଙ୍କୁ ପିସି ସରକାର କହିବା ସହିତ ଦୀର୍ଘ 19 ବର୍ଷ ମଧ୍ୟରେ ଏକ ସଫଳ ଓଡିଶା ଗଠନ କରିବାରେ ସେ ବିଫଳ ହୋଇଥିବା ନେଇ କଟାକ୍ଷକରିଥିଲେ ।
ଜଗତସିଂହପୁରରୁ ସୁଶାନ୍ତ ପାତ୍ର, ଇଟିଭି ଭାରତ
