ପାରାଦ୍ବୀପ ୩୯ନଂ ବୁଥରେ 66.43 ପ୍ରତିଶତ ମତଦାନ

ପାରାଦ୍ବୀପ ନିର୍ବାଚନ ମଣ୍ଡଳୀର ୩୯ନଂ ବୁଥରେ ଆଜି ସାନି ମତଦାନ ହେଉଛି । ତେବେ ସନ୍ଧ୍ୟା 5ଟା ସୁଦ୍ଧା 66.43 ପ୍ରତିଶତ ମତଦାନ ହୋଇଛି ।

ଜଗତସିଂହପୁର: ଭାରତୀୟ ନିର୍ବାଚନ କମିଶନଙ୍କ ନିର୍ଦ୍ଦେଶ ଅନୁଯାୟୀ ପାରାଦ୍ବୀପ ବିଧାନସଭା ନିର୍ବାଚନ ମଣ୍ଡଳୀର ୩୯ ନଂ ବୁଥରେ ଆଜି ଶାନ୍ତିଶୃଙ୍ଖଳାର ସହ ସାନି ମତଦାନ ହେଉଛି । ଲୋକେ ଆଗ୍ରହର ସହିତ ମତଦାନ କରୁଥିବା ଦେଖିବାକୁ ମିଳିଛି । ସନ୍ଧ୍ୟା 5ଟା ସୁଦ୍ଧା ଏଠାରେ 66.43 ପ୍ରତିଶତ ମତଦାନ ହୋଇଛି ।

ସ୍ଥାନୀୟ ସାଇଲୋ ୟୁପିସ୍କୁଲରେ ଏହି ମତଦାନ ଅନୁଷ୍ଠିତ ହେଉଛି । କେନ୍ଦ୍ରରେ ଆଜି ସକାଳ ୭ଟାରୁ ମତଦାନ ଆରମ୍ଭ ହୋଇଛି । ସୁରକ୍ଷା ବ୍ୟବସ୍ଥାକୁ କଡାକଡି କରାଯାଇଛି ।

ଜଗତସିଂହପୁରରୁ ସୁଶାନ୍ତ ପାତ୍ର, ଇଟିଭି ଭାରତ