ଜଗତସିଂହପୁର: ଦୀର୍ଘ ଦିନ ପରେ ଖୋଲିଲା ଜିଲ୍ଲାର ଯୋଗଧାରୀ ନିକଟରେ ଥିବା ବୃନ୍ଦାବନ ଗେଷ୍ଟ ହାଉସ । ସେକ୍ସ ରାକେଟ ନେଇ ସିଲ କରିଥିଲା ଜିଲ୍ଲା ପ୍ରଶାସନ ।
ସିଲ ଥିବା ଗେଷ୍ଟ ହାଉସକୁ ଖୋଲିବାକୁ ପ୍ରଶାସନର ଅନୁମତି
ସୂଚନାନୁସାରେ, ସହରର ଶେଷ ଭାଗରେ ଥିବା ବୃନ୍ଦାବନ ଗେଷ୍ଟ ହାଉସରେ ଦେହ ବ୍ୟବସାୟ ଚାଲୁଥିବା ଖବର ପାଇଥିଲା ପୋଲିସ । ଏଥିରେ କଲେଜ ପଢୁଆ ଯୁବତୀମାନେ ସାମିଲ ଥିବା ଜଣାପଡିଥିଲା । ଘଟଣାରେ ପୋଲିସ ଏକାଧିକ ବାର ଗେଷ୍ଟ ହାଉସ ଉପରେ ଚଢାଉ କରିଥିଲା । ଚଢାଉରେ ଦେହ ବ୍ୟବସାୟରେ ଲିପ୍ତ ଯୁବତୀ ଓ ଗ୍ରାହକଙ୍କୁ ଗିରଫ କରିଥିଲା ପୋଲିସ ।
ପୋଲିସର ଚେତାବନୀ ପରେ ବି ଗେଷ୍ଟ ହାଉସରେ ଚାଲିଥିଲା ଦେହ ବ୍ୟବସାୟ । ବାରମ୍ବାର ଏପରି ଘଟଣା ସାମ୍ନାକୁ ଆସିବା ପରେ ଜାନୁଆରୀ ମାସଠାରୁ ଗେଷ୍ଟ ହାଉସକୁ ସିଲ କରିଥିଲା ଜିଲ୍ଲା ପ୍ରଶାସନ । ତେବେ ଦୀର୍ଘ ଦିନର ସମୟ ବ୍ୟବଧାନ ପରେ ଗେଷ୍ଟ ହାଉସକୁ ଖୋଲିବାକୁ ଅନୁମତି ଦେଇଛି ଜିଲ୍ଲା ପ୍ରଶାସନ ।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ
