ପାରାଦୀପ: ମହାନଦୀ ମୁହାଣ ନେହେରୁ ବଙ୍ଗଳା ନିକଟରେ ଟ୍ରଲର ବୁଡି ଘଟଣା । ନିଖୋଜ ଥିବା 3 ଧିବରଙ୍କ ମଧ୍ୟରୁ ଜଣଙ୍କୁ ଜୀବିତ ଉଦ୍ଧାର କରାଯାଇଥିବାବେଳେ ଜଣଙ୍କ ମୃତଦେହ ଉଦ୍ଧାର ହୋଇଛି । ଏବେବି ଜଣେ ନିଖୋଜ ଅଛନ୍ତି ।
ଗତକାଲି ସମୁଦ୍ରରୁ ମାଛମାରି ଫେରୁଥିବା ସମୟରେ ମହାନଦୀ ମୁହାଣ ନିକଟରେ ଟ୍ରଲରଟି ଢେଉମାଡରେ ବୁଡି ଯାଇଥିଲା । ଫଳରେ ଏଥିରେ ଥିବା 5ଜଣ ଧିବର ଭାସି ଯାଇଥିଲେ । ସେମାନଙ୍କ ମଧ୍ୟରୁ 2 ଜଣଙ୍କୁ ଉଦ୍ଧାର କରାଯାଇଥିବାବେଳେ 3 ଜଣ ନିଖୋଜ ହୋଇଯାଇଥିଲେ ।
ଭିଡିଓ ସୌଜନ୍ୟ: ପ୍ରତିନିଧି, ଜଗତସିଂହପୁର
ତେବେ ବିଳମ୍ବିତ ରାତିରେ ସମୁଦ୍ରରୁ ମାଛ ମାରି ଆସୁଥିବା ଏକ ବୋଟ୍ ନିଖୋଜ ଲକ୍ଷ୍ମୀଧର ଦାସଙ୍କୁ ଦେଖି ଉଦ୍ଧାର କରିଥିଲା । ସେହିପରି ପାରାଦୀପ ଲାଇଟ୍ ହାଉସ୍ ନିକଟରେ ମତ୍ସ୍ୟଜୀବୀ ସନ୍ତୋଷ ଦାସଙ୍କ ମୃତଦେହ ଉଦ୍ଧାର କରାଯାଇଛି । ହେଲେ ଏବେବି ମତ୍ସ୍ୟଜୀବୀ ରମାକାନ୍ତ ଦାସ ନିଖୋଜ ରହିଛନ୍ତି ।
ଜଗତସିଂହପୁରରୁ ସୁଶାନ୍ତ ପାତ୍ର, ଇଟିଭି ଭାରତ
