ଜଗତସିଂହପୁର: ପାରାଦୀପ ମେରାଇନ ଥାନ ଅଞ୍ଚଳରେ ଡବଲ ମର୍ଡର ଦେଖିବାକୁ ମିଳିଛି । ରବିବାର 2ଜଣ ମାନସିକ ବିକାରଗ୍ରସ୍ତ ଲୋକଙ୍କୁ ପାରାଦୀପର ମେରାଇନ ଥାନା ଅଞ୍ଚଳରେ କେହି ପଥରରେ ଛେଚି ହତ୍ୟା କରିଥିବା ନେଇ ପୋଲିସ ସନ୍ଦେହ କରୁଛି ।
ମେରାଇନ ଥାନା ଅଧିକାରୀ ପ୍ରଦ୍ୟୁମ୍ନ ବେହେରାଙ୍କ ସୂଚନା ଅନୁସାରେ, ରବିବାର ସକାଳେ ନେହୁରୁ ବଙ୍ଗଳା ମାର୍କେଟ ଠାରୁ କିଛି ମିଟର ଦୂରରେ ଗୋଟେ ମୃତଦେହ ପଡ଼ି ଥିବାବେଳେ ଅନ୍ୟ ଏକ ମୃତଦେହ ଥାନା ପାଖରୁ100 ମିଟର ଦୂରରେ ପଡିଥିବା ଦେଖିବାକୁ ମିଳିଥିଲା । ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଶବକୁ ଉଦ୍ଧାର କରିବା ସହ ତଦନ୍ତ ଆରମ୍ଭ କରିଛି ।
ଭିଡିଓ ସୌଜନ୍ୟ: ପ୍ରତିନିଧି, ଜଗତସିଂହପୁର
ଏପଟେ ବର୍ଷା ଲାଗି ରହିଥିବାରୁ ମୃତଦେହ ପାଖରେ ପଡିଥିବା ରକ୍ତଭିଜା ପଥରକୁ ଚିହ୍ନଟ କରିଯାଇପାରି ନାହିଁ। ତେବେ ପୋଷ୍ଟମଟମ ରିପୋର୍ଟ ଆସିଲେ ପ୍ରକୃତ ଘଟଣା ସାମ୍ନାକୁ ଆସିବ ବୋଲି ପୋଲିସ କହିଛନ୍ତି ।
ଜଗତସିଂହପୁରରୁ ସୁଶାନ୍ତ ପାତ୍ର, ଇଟିଭି ଭାରତ
