ଜଗତସିଂହପୁର: ପାରାଦ୍ବୀପର ଆଦର୍ଶ ଥାନା ଅନ୍ତର୍ଗତ ଅଠରବାଙ୍କୀ ଲକପାଡା ବସ୍ତି ଅଚଂଳରେ ଘଟିଛି ଅଘଟଣ । ସନ୍ଦେହ ଜନକ ଭାବରେ ଉଦ୍ଧାର ହୋଇଛି ଜଣେ ନାବାଳକର ମୃତଦେହ ।
ଭିଡ଼ିଓ ସୌଜନ୍ୟ: ପ୍ରତିନିଧି, ଜଗତସିଂହପୁର
ମୃତ ନାବାଳକର ନାମ ଗୌରାଙ୍ଗ ଦାସ ଓ ବୟସ 9 ବର୍ଷ । ପୋଲିସର ସୂଚନା ଅନୁସାରେ ନାବାଳକ ଜଣକ ରବିବାର ଦିନ ସ୍କୁଲ ନଯାଇ ସାଙ୍ଗମାନଙ୍କ ସହ ଖେଳିବାକୁ ଯାଇଥିଲା । କିନ୍ତୁ ସନ୍ଧ୍ୟା ହେଲାପରେ ବି ଗୌରାଙ୍ଗ ଘରକୁ ଫେରି ନଥିଲା । ପରିବାର ଲୋକେ ବହୁ ଖୋଜାଖୋଜି କରିବା ପରେ ଘରଠାରୁ ୧୦୦ ମିଟର ଦୂରରେ ପୁଅର ମୃତଦେହ ପଡିଥିବା ଦେଖିବାକୁ ପାଇଥିଲେ ।
ପରେ ପୋଲିସ୍ ଖବରପାଇ ଘଟଣା ସ୍ଥଳରେ ପହଞ୍ଚି ମୃତଦେହକୁ ଜବତ କରିବା ସହ ତଦନ୍ତ ଆରମ୍ଭ କରିଛି । ନାବାଳକର ଛାତିରେ କ୍ଷତଚିହ୍ନ ଥିବାରୁ କେହି ପିଟିପିଟି ହତ୍ୟା କରିଥିବା ପୋଲିସ ସନ୍ଦେହ କରୁଛି ।
ଜଗତସିଂହପୁର ସୁଶାନ୍ତ ପାତ୍ର, ଇଟିଭି ଭାରତ
