ଜଗତସିଂହପୁର: ମା’ ଆଖି ଆଗରେ ଚାଲିଗଲା ପୁଅ ଜୀବନ । ଜିଲ୍ଲାର କଟକ ପାରାଦ୍ବୀପ ରସ୍ତାରେ ମର୍ମନ୍ତୁଦ ସଡକ ଦୁର୍ଘଟଣା । ବୋଲେରୋ ଧକ୍କାରେ ଜଣେ ନାବାଳକର ମୃତ୍ୟୁ ହୋଇଛି । ମୃତ ନାବାଳକ ଜଣକ ହେଲେ କୋଟକଣା ଗାଁର ସୁର ସିଂଙ୍କ ୭ବର୍ଷର ପୁଅ ରାହୁଲ ସିଂ ।
ବୋଲେରୋ ଧକ୍କାରେ ନାବାଳକ ମୃତ
ସୂଚନାଅନୁସାରେ, ରାହୁଲ ତାର ମାଆ ସହିତ ରାସ୍ତା କଡରେ ଛିଡା ହୋଇଥିଲେ । ହଠାତ ମାଆରେ ହାତ ଛାଡି ରାସ୍ତା ପାର ହେବାକୁ ଚେଷ୍ଟା କରିଥିଲା ରାହୁଲ । ସେହି ସମୟରେ ଦ୍ରୁତ ଗତିରେ ଆସୁଥିବା ଗୋଟିଏ ବୋଲେରୋ ରାହୁଲକୁ ଧକ୍କା ହେଇଥିଲା । ଗୁରୁତର ଅବସ୍ଥାରେ ରାହୁଲକୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା । ସେଠାରେ ଡାକ୍ତର ରାହୁଲକୁ ମୃତ ଘୋଷଣା କରିଥିଲେ ।
ଘଟଣାକୁ ନେଇ ଚାପା ଉତ୍ତେଜନା ସୃଷ୍ଟି ହୋଇଥିଲା । କିଛି ସମୟ ଧରି ରାସ୍ତା ଅବରୋଧ ହୋଇଥିଲା । ତିର୍ତ୍ତୋଲ ପୋଲିସ ଘଟଣାସ୍ଥଳରେ ପହଞ୍ଚି ଲୋକଙ୍କୁ ବୁଝାସୁଝା କରିବା ପରେ ପରିସ୍ଥିତି ସ୍ବାଭାବିକ ହୋଇଥିଲା ।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ
